Shv̀nshérwe 3 gǿ 1 góng Gvray yv́ng nøngmaqò køqzølrà chø̀m vlwe
(Solemnity of the Most Holy Trinity) 3 gǿ 1 góng Gvray mvsat lvbán àngni taq Pope Leo XIV taqkèní St. Peter noqngø̀m tømø kø̀mngǿm ráì we shvngø̀mré vsvngrì kaq Angelus vjúrøt tvyø nvng tiqdø mvngushì bǿì. Gvray àngò gønshaq nøngmaq svng dvciq lvpvt mòngzø̀l we tvrà svng èzíāì we wanø dvtú mòngkà kèní vtoq shì bǿì. Shvnshér kàru taq Nicodemus ò lvpat mvshǿl svng yv̀:ngì nø Gvray nø rvgaq mvdàm vlwe vsvng rìkaq làngdø̀m àngni taq kà:ngé lv́m dvpvt mǿí nø̀ chutcháng lv́m tvrà dvpvt tvrà ètóngā lú:ngì we svng dvtú bǿà we íe.
Pope Leo XIV ò dvtú mòngkà rì taq ” Nøngmaq nø tiqdø vzø̀mlv́m tvrà dvpvt Gvrayí èmv́n ráshà Gvray àngò pv́nmv́n dvrè gønshaqrì shvngbe nø àngò mv́r taq shóngnøt kèní vzø̀m vzvp lv́m dvpvt èmv́n ráshà we dang tasvng gvsat vtù we tvrà kèní vrø̀l lv́m tvrà svng àng shóngwám shìwe mǿí we dang shvdǿm we íe.
Wervt Gvray àng dvgùng gùngshv̀ng vdòng taq shaq shaqwa dvbùì, pvlàcè Gvray svng nøt mvsø̀n vdòng kèní vtoshàì wekvt nøngmaq shvngbe nø àngmv́r dàng taq dvciq lvpat gønshaq jejú kèní cúnshì lúnlv́m ílonge wanø̀ dvtú mòngkà dvshvng bǿà we íe.
