Nøt shvlǿmshú tuq daq kvt svkse wáshì rà we

Wedø ínìgø Vpè yv́ng kèní bung daq nø namaq yv́ng svng Ngàí dvzv́ralv́m í we dìnglòng Pvlàcè, Nøt shvlǿmshú tuq daq kvt nø, Ngà dvpvt shvkse Ang wáshì daqe. Nv̀mlat kèní Ngà nvng tiqdø à:lì rvtnø namaq gø shvkse èwáshì lóngnønge.” “Ngàí namaq svng yadv́ng pv̀n dvtáì we nø namaq nøt mvtìnlv́m rvt íe. Angmaqí namaq svng júrøt chø̀m kèní èlùngnøng nø,èshvtnvtnønge.

Namaq svng èshvtnø̀ng rì nø,angmaqí yadø wàì lòng nø Gvray kaq dvzø:mì we íe,wa dvda:mò we rvtø̀ tuq rae. Angmaqí nø Vpè svng gø,Ngà svng gø,mèsháshi rvtnø yadv́ng pv̀n wà lú:ngòe. Ngàí namaq svng yadv́ng pv̀n dvtáì we nø werì bø̀n long dvgvp Ngàí yarì dang vgám dvtúì rì svng namaqí dvdv̄m rǿnlvm dvpvt íe.Yadv́ng pv̀n dang namaq svng nv̀mlat kení mvshø̀nò we gø Ngà nø namaq nvng shini à:lì rvt íe.

Shvngbe svng pamvra deni Gvrayí ziwe rvtø shvla vdùng taqø Pvlacè nvnggùn lushìlvm Gvray mòngkà

Kàngpè Yesuí ngà svng eshòngshà nìnø ngà dvtú shvngøt cv’nrì íe wae. Ya kà nø nøngmaqò kv’mnønt tvrà nvng shóngnøt svng dìnglòng dang svkse wáshì we íe.

Kàngpè Yesu Kristu svng shònge we nø kà taqkení wa laq mví. Kà shvdún vsvng tiqgø’ svng shóng shì bønìnø angò kà nvng angí dvzvr we bvnlì vrvm wáā rae. Wedø Gvray Gvsang kaq shóngshì nìnø ang mòngkà nvng dvtú shvngøt we dang svng zvndvtut cvnì nø mvrézā shóngnøt vdùng taq shvdøng shvngang shàì nø ticiq lvpat gønshaqlúnlvm svkse wáshàì.
Mòngkà etāshìnøng we pèmè vnvm vchvngmaq shvngbeí Gvrayò mòngzøl lòng nvng mòngkà ìshøt vtoshì leqlúnnøng. Shvngbe svng oqà.