Nikodimo Yesu yvng di ráì we

Shvngbe svng pamvra deni Gvrayí ziwe rvtø shvla vdùng taqø Pvlacè nvnggùn lushìlvm Gvray mòngkà (Yohan 3:1-8) Farisi vsvng, Nikodimu tǿò we Yuda vsvng rì øpshú tiq pè svng Yesuí kagǿ gø angshv́r tiq kvt màgv́lshaq nø, Gvray móngdàn yv́ng mvlúnshì,” wanø shvngøtnò we dang íe.

Farisi vsvng, Nikodimu tǿò we Yuda vsvng rì øpshú tiq pè v̄le. Wepè nø yaqdø̀:ngí Yesu yv́ng dì ráì nø,“Rabbiá, Nà nø Gvray yv́ng kèní èdì daqì we shvngøtshú èí we svng sháìe. Kadø íe wani, Nàí èwàò we shálv́m mvshv́lpvrá yarì nø Gvray ang nvng vl we vsa:ngí wa mø̀í ni kagǿí gø wá mvngu:tnò,” a:lòe.

Yesuí vtà:ngò nø, “Ngàí kàdøng vlvtnøng, kagǿ gø angshv́r tiq kvt màgv́lshaq nø, Gvray móngdàn yv́ng mvlúnshì,” a:lòe. Nikodimuí rá Ang svng, “Vsvng tiq gǿ nø cvrǿngv̄m ke kadøwa vrá gv́l shvla ma? Angmè puqwá svng vrá tiq kvt gòng nø̀ gv́l nø da mvlúnshì ni!” a:lòe.
Yesuí vtà:ngò nø, “Ngàí kàdøng v̄lvtnøng, tì nvng Pvlàcèí màgv́lshaq vsvng kagǿ í nìgø, Gvray móngdàn svng góng mvlúnshì. Shagú:ngí gà:lò we nø shagóng íe. Pvlàcèí gà:lò we nø pvlàcè íe. Ngàí nà svng ‘Nà nø angshv́r gv́lshì ràe,’ wvng nø vl bǿngà rvtnø mènàtiqni. Nv̀mbø̀ng nø ang wá mvyǿ yv́ng svng wa nø, angshaq nàí ètáò we ínìgø, kayv́ng kèní wà ráì we nvng kayv́ng svng wavm we nø mèsháò. Pvlàcèí vgv́lshaq vsvng gǿ vrv̀m gø welòng dø íe,” a:lòe.

Nikodimu nø Kristu nvng vhø:mè. Angshv́r tiq kvt gv́l rà we dang Kàngpè Yesuí shvngøtnòe. Nøngmaq Kàngpè nvng vhøm dvgvp nønt vwvngshìlvm gvza vchvk mvdøng íe. Lvpat angshv́r tiq kvt gv́lshìlvm nø Gvrayò jèjú taqkení wa bøn daqe. Nikodimuí rá Ang svng, “Vsvng tiq gǿ nø cvrǿngv̄m ke kadøwa vrá gv́l shvla ma? Angmè puqwá svng vrá tiq kvt gòng nø̀ gv́l nø da mvlúnshì ni!” wa røtnò rvt angí mvsíngò. Shagú:ngí gà:lò we nø shagóng íe. Pvlàcèí gà:lò we nø pvlàcè íe. Shagúngí gà:lò døni nønt mvsøn nvng pvlàcè dang taq gø gàl lvm vchvk we dang shvdúm we íe.

Mòngkà etāshìnøng we pèmè vnvm vchvngmaq shvngbeí Gvrayò mòngzøl lòng nvng mòngkà ìshøt vtoshì leqlúnnøng. Shvngbe svng oqà.