Shànshér We Só Shvmán we nvng Shvrúngshúrì Kà shvdiq vrá zíshì we Missa Noqngøm
Shànshér We Só Shvmán we nvng Shvrúngshúrì Kà shvdiq vrá zíshì we Missa Noqngøm
Shànshér We Só Shvmán we nvng Shvrúngshúrì Kà shvdiq vrá zíshì we Missa svng Myitkyina Aung Nan St. Columban Noqngøm Tøngnu taqø (02 April2024) ni Vsháng 7:00 Am rvtø, Svrado gvbapè John Mung Ngaw Lan Sam í shøl we taq, Myitkyina Svrado sasvna kèní Shvrúngshú rì lúm nø wálún bø’à.
Shànshér We Só Shvmán we bóy svng wáshì we àng lvjøm nø, Tìløp kámshì bøkvt Hkristuò shagóng vpōvm mèpvng, Shànshér Pvlàcè jèjú ìshøt vtoshì we àngni íē.
Shvrúngshú, Kà dvtutshú, í lòng svng dvtan we kūmla, Shànshér We Só Shvmánò lòng íe.
Shvrúngshúrì shvngømré nvng shvngømré rvzvngcerì mvdvmø Kà shvdiq dø’ngvng nø Vkangpè Yesu dø vpnóngshì lúnlvm dvpvt Kà shvdiq vrá zíshì nø gvlshì we àngni gø íē.
Svrado gvbapè nvng Shvrúngshú rì shvngbe dvpvt, Shøngshà:ng vjúrøt dvbvng lvm àngni gø ínø, shvngømré rì shvngbe tiqmvyung wáshì sórí vjúrøt dvbvng lvm wàì.
Shànshér We Só Namvn (3) pvn vlē.
1. Zá yvng dvjvng yóga vhø’mò rì kaq zønli dvjvng kèní shèrlvm dvpvt mvtnà we só.
2. Pvlàcè kūnga ìshøt vtoshì rì kaq mvtnà we só.
3. Tìløp kámshì rì kaq svng mvtnà we só rì íe.
• OS ( C A T ) = Tìløp kámshì we só
• S C ( C H R ) = Pvlàcè kūnga só
• I O ( I N F ) = Zá yvng dvjvng vhø’mò rì kaq mvtnà we só rì íē.
