Lazaru døni Vkàngpe yesuí lvpat àngshvr svng go we shaq ri svng Nømaq ígø tá lvq lún wa we Svrabin i shøn we

Vm-aq vnatshi we nar (5)lvban ni taq၊ St.peter yvng (Angelus) vjúrøt we taq Vsvng mungpung rì dvhø Svrabin í nø lazaru zun lòng dang svng shøn we taq yalong nø vkangpe yesu shi long kení dang lún we nvng ti løp we taq kení dvciq lvpat gøn shaq jéjú svng zi we lamit gøm la tiq long ínø”ya long gøm la nø nømaq svng kømzøm we tvra svng go we Vkàngpe èshøq jejú yvng kení gá long tvra svng di lun lvm dvpat shøn we íe.

Lazaru ò àngnvm Mata svng shøn we dø deni gø Vkàngpe yesuí nømaq svng gø
“Zunlòng nvng gø̀nshaq nø Ngà ǿngàe.
Ngà kaq kv́m gǿ ang nø,shì nìgø wedøni zun longe. Wa nø Svrabín Koqkam pè ígø shøn we íe.

Shàshvr we lvban dvpat dvgø awe
Ya lvban rø we dvbu shan Mòngkà nø Shànshvr we lvban mvtuq we vzvng taq tuq ya we ínø tuq dvq we lvban taq Vkàngpe yesu ò dvshà mvhòq vhømo we dang ri íwe
Yerusalem svng gòng we, vgí yaqdøng vm pa vm we,tvp we, wurgvng mvdvm shvtwe nvng døgvm yang løp we dang ri svng Svrabíní dvshvt we íe.

Rvgaq svng gádvzvr we jèjú èshøq

Gvrayò èshøq jèjú ri nø Mònggvng ragvq svng gá dvzvr we íni gø၊ Nømaq rvgaq vsvng ri nø ngvngdøng lvm mavl we rvgaq boy lvm long wa lá ìnø tvra vmvng ìe wa nø Svrabín Koqkam í shvdøm svng shá lún shie.

Angelus Vjúrøt ka mashøn vzang Svrabín ínø Shànshvr we nar lvban svng nø vmè maria ò Kamnøt dø dvzaq shi lún lvm vmè maria svng júrøt dvzaq sha igø wa e.Wekvt wa zung long iwe Vkàngpe yesu nvng vhøm lún nø nømaq ò nønt mvsøn gø ni vrvm shàlá we dang svng cvn shi lún lvm ídvq e wa nø Svrabín koqkam pè Leo 14í shøn we Mòngkà íe.