Shv̀ngkà tvyørì nø mvdøng mvmvn shvngkà dvhú lv́m dvpvt mǿí

Pope Leo XIV nø Italy vsúyaqò RAI shvngkà dvp íwe TG2 shvngkà dvpò shvngkà tvyø kèní Journalist rì nvng vhømnø dvtú mòngkà vrìng bǿà we taq shvngkà tvyø rì wawe nø móngøp gv̀mzø̀ rìò kàrì mvdøng mvmvn we tvrà rì svng vtánā we tvnùng we bǿn mvdaq. Téwa mvjàn vkǿn we rvtø̀ rì vdòng shvngkà tvyø rìnø Anā dvgùng lv vsvngrì dvpvt (Megaphone) dø wáshì mvdaq we dang vtàn bǿà we íe. Wedø mvjàn shìwvt rì vkǿn we dvjà, shvrà rì taq nø jø̀ng jǿng ni shìwvt vtøp kéò we móng vsvngrì, we dvjà svng chvpdvp vtánā we àng mvtú rì svng tvnùng we shv̀ngkà tiqlòng ku tvnùng we shvngkà bǿn ràwe svng tvnùng wegø íe.

Kadø íwe mònggv̀n paqzí vháng we lvpat íráì we ínìgø vsv̀ngrì dang mvdø̀ng wáshì nø móng vsvngrì mvdàmø ripā we wáshì ràwe dang vtàn bǿà we íe. Ai paqzí bat svng tuq ráshà we dø tiq dvchá (Human paradigm) svng vpǿ shvring nø̀ wedang svng tvnùng we íràwe dang dvtú we íe.

Tasvng vzing nø̀ rvwìng we tvrà rì vdòng døngmvn we tvrà kèní tvnùng we tvyø mv́ngshèr we nøt mvsø̀n kèní dvtú nø̀ tvnùng lv́m vchvk we dang tiqdáng vsvngrì ò tóng laqyà rì kámnøt tvrà rì svng vtøp dvzv́r we tvrà rì svng vyáshì ràwe dang dvkám bǿà we íe.