Yesu Kristu nø̀ nøngmaqò pvlàcè dang bv́l ráì we tvrà svng shèzǿ:māìe
v́m-aq vnvtshì we lvngcha rvtø̀ 3 lvbán wawe yalvbán dvpvt Pope Leo XIV í dvtú we mòngkà taq “Vtì tong yv́:ngø Yesu nvng vhøm we Samaritan svmaré ò mvshǿl nvng we jømciq svng pǿnnø̀ pvlàcè kù:ngà zi mòngkà taq Yesu nø bashàrìò pvlàcè dang bv́l we tvrà svng kadøwa shvzǿmā we nvng kám vsvngrì kaq mvkok we Gvray bv̀nlì tvrà, døngmvn we dvzv́r bǿnlún lv́m nvng pvlàcè dang vlíng vpo lv́m tvrà rì dvpvt kadøwa gálòng svng èzí ráshà we dang mòngkà kèní dvtú bǿà we íe.
Gø̀nshaq tìyø íwe Yesu Kristu nvng vhø:mì we v́m-aq vnvtshì we rvtø̀ lvngcha vdòng taq Gvray àngò ìshøt jejú rìsvng vtoshìlv́m tvrà svng vgám we àngdang dang kèní nøngmaqò mvsø̀n nvrø̀m rìsvng lushì lúnlv́m vjúrøt dvzaq shàì wanø̀ dvkám we íe.
Zitnøt vlwe nvng Gvray dvbùshvng bv̀nlì wàlv́m ègoì we tvrà taq Samaritan svmaré mè nvng Yesu Kristu vhøm nø dvmv̀n we tvrà svng dvzv́rrì nø dvdam vtiqshì we nvng Kristuò mèpvng cv̀nlv́m tvrà taq nøt vtiq we mvshǿl rì svng dvda:mì nø vdèò shvnvng gùr gùr svng cun dvtøp lv́m, rvmá tø̀mø gong longwe vbǿrì svng shvrvt lv́m rà vchvk we tvrà rì svng síngsháì nø̀ Gvray àng ìshøt jejú rì svng mvyv́ngshì dvgvp kèní ni lá dvzaq shìlv́m, Yesu Gvray àngò dvsháza shóngnøt vpǿ shvringwe, tiqdv́ng vsvngrì kaq kà:ngé we bv̀nlì mvwawe nøt mvsø̀n laqyà rì nø rvcángcè rìò køqzøl rà manggá ni íwe dang shvdǿm we íe.
Samaritan svraré mè nø nv̀mlat Svmaré rì taqkèní dvbùshvng mòngkà dvshvngwe tiqgǿ ku cun dvdut shì shvlawe ínø̀ àngò lvpat mvshǿl nø kámnøt tvrà svng tvnùng we mvshǿl shøp tiqlòng ni íráì we dang dvtú nø̀ dvkám mòngkà vrìng bǿà we íe.
