Dvrá dvgø:mò we

Shvngbe svng pamvra deni Pvlacè nvnggùn lushìlvm Gvray mòngkà (Mati 5:17-19) dvrá dvgømò we, Gvrayí ziwe dvkv́mkàrì svng cvn dvgømò we ínìnø jèjú ìshøt gømpaq dvbù shvwéshìrà
lúnshìlvm íe.

Gvray gvsangí namaq kaq èzínøng we móng svng ègòngnø̀ng nø, wemóng angkàng wáshì lúnlv́m dvpvt, ngàí namaq svng shvngø:tnì we shvdøngshaq dvrárì nvng dvrá kàciqrì svng nàpǿnøng nø ècv̀nnø̀ng wae. (Dvrá dvshvt 4:1). Gvrayí ziwe dvkv́mkà dvrá svng cvndvgømò we dang nø Gvray Gvsangí shóngwámshì dø cvn nø ang bvnlì rì, wá dvdángò dang íweí shvmán jèjú ìshøt vtoshì we íe.

Gvrayò dvrá svng cvndvgøm we dang taqkení Gvray nøngmaq nvng tiqdø vlwe íe. Dvkvmkà svng cvn weó, tiqdvng vsvng kaq tvrà shvlá dvtvnshàì wanø Kàngpè Yesuí shvngøtne.

Gvray mòngkà etashìnøng we pèmè vnvm vchvngmaq shvngbeí Gvrayò mòngzøl lòng svng vtoshì leqlúnnøng. Shvngbe svng oqà.