kàdvtutshú kagǿ svng gø vdè móng taq vtoò we màvl.

Døngmàn jò we kà shøn gø’ vrvm svng shóngwámshì lvm nø mv-vl lòng. Deni mòngkà taq Kàngpè Yesuí kàdvtutshú tiqgø’ taqkení ding we kà dvtutnò rvt Yudá vsvngrì høpnøt zángshì bø’ì wae. Kàngpè Yesuí shvngøtnò we tá bǿà weó, júrøt chø̀m taq v̄l rì shvngbe høpnøt zø̀ngá:mì nø, sūn dvsún búng lú:ngì weí, mvrìng nv̀mshv̀ng kaq Ang svng lùng bǿà dá:ngí, lónggàng dāng kèní dvjálv́m dvpvt, angmaq mvrìng vrv̄ng yà:ngà vngv̀m vgo høq Ang svng shvlūm bǿà.

Nøngmaq svng gø vkvt dø døngmàn we kà shøn weó, mvshóng mvwámshìlvm gvza loq daqe. Ya vm aq vnatshì we rvtø taq Kàngpè Yesu nvng tiqdø vl lvm ego shàe. Kàngpè Yesuò Ngòrdvgùng jòr nònggùn nvng dvbū nø Kàngpè Yesu Kristuí, shvngøt dø tiq dvchá døngmàn we dang taq riplvm nònggùn kùngà røtshìlvm wàì.