“Vmvng we vyv̀ngcè kàshvbóng”
“Vmvng we vyv̀ngcè kàshvbóng” mvshøl taqkèní íē.
Mongkà tiqdòngce vzv’ng røshì lvm wàì.
1Wedvgvp kùyà gú:nò rì nvng mvrà v̄l vsvng* rì shvngbe nø, Ang kà tá lúnlv́m rvt Ang yv́ng dvkǿmshi ráì. 2 Wervt Farisirì ó, dvrá svra mvdò nø, “Yesu yapèí nø mvrà vl rì svng vtōdv̀ng wàò nø, angmaq nvng tiqdø v́mpà v̄me,” wa vbønshie.a
3 Wekvt Yesuí angmaq svng kàshvbóng yalòng shø̀:nòe.
Nōngtøm pè vmvng we kàshvbóng
11 A:ngí rá yadø a:lòe. “Vsvng tiq gǿ nø angcè vní pè vdáe. 12 Nōngtøm pèí angpè svng, ‘Vpèá, nà zaqshøp rì ngà vpvt vdū dv́ngte nø ngà svng nawálāngā,’ a:lòe. Wervt angpèí angnínv̄m svng zaqshøp vwálāòe. 13 Wemèpvng kadv́ng ni màlé dvgvp nōngtøm pè nø ang vdá dv́ngte dvcøpshì dá:ngí vrúm móng svng dìá:mì nø, weyv́ngø svng mvchá wáshì weí ang zaqshøp rì vwāwā dø dvsǿm bǿà. e 14 Angò rì shvngbe dvbévm bǿà mèpvng, wemóng taq dvkø wàngrø̀m vtit ráì nø, a:ngí nø dvshàlv́m vhǿmòe. 15 Wekvt ang dìá:mì nø, wemóng bashà tiq gǿ yv́ng v̀lá:mì. Wepèí nø ang rvmá hv́ng rì taq ang svng waq rim dvzá:ròe. 16 Waqrìí á:mò we vnōse rì v́m mvyǿ høq svrí shì nìgø, ang svng kagǿí gø màshvá:mò. f 17 Iwe ang dvdv̄m vshat lú:ngì kvt, ‘Vpè lv̀ngzv̄ng wedv́ngte luq rì nø, v́m mvtǿmshi høq v́m lú:nò ke, ngà nø yayv́ngø svríshø̀ng weí shìlv́m dv́n shø̀nge. 18 Ngà búng nø vpè yv́ng svng longv̄m nø ang svng, “Vpèá, muqlàng svng gø, nà svng gø, ngàí vléng bǿngà. g 19 Akvt kèní kukaq nvcè gø v̄l màpǿngv́mà; nà lv̀ngzv̄ng tiq gǿ dø ègv̀là,” wvng nø v̀llv́m íe,’ wae.
Vpø’ íwe pèmè vnvmchvngmaq,
Vmvng we vyv̀ngcè kàshvbóng mvshøl yalòng nø,- Vkangpè Yesuí nø Farisirì nvng Dvrá Svra rì í Mvra cìpláò nø shvrìo lòng svng vrá vtá:nà we kashvbóng mvshøl rì yv’ngkèní shvlá vtv’ng mvshøl tiqlòng íe, wànø gø shø’n shvlàe. Pàwálvm wàni, Mvré zā Mvkok dvdí shóngnønt dvnzøng we Vpè Gvray gvsangò shóngnønt hàng svng yv’nglúnshìe. ” Muqlàng taqlap namaq Nvpè nø kø̀mgøm tétǿng dø tiqdvchá, namaq gø kø̀mgøm tétǿng ràe.”(Mati 5:48) taq shø’n dø tiqdvchá, Vpè Gvray gvsang taq vl we shóngnønt nvng vroqā lún we Gvray gvsang shóngnønt svng nøngmaq í cvndvgøm nø dvcøp vdv’ngshì lúnlvm rvt dvzaqshì laqlúnì. Vrá nø Vroqāè wàwe shóngnønt lòng mà-vl nìnø, nøngmaq taqø Yógā bø’n we, nøngmaqò Nønt mvsøn vdòng taq døngman lvm mà-vl we.. vkvtdø í rì, mvgvm màshvla pvnrì bø’n bung sháòe. Tiqdvng Vsvngò mvra rì svng Vroqā lúnì kvtwā nøngmaq gø shvnip shvnar we, mvhøt lvm, yvklvm Mvra vdòng yv’ngkèní lutshì lúnlvm vlē.
Wervt yalòng Vmpà màv’m vm-aq vnatshi rvtø lvngcha taq, ‘Nōngtøm pè’ tiqdvshaqí Nønt vwángshì we kàshvbóng mvshøl svng dvdvmì sórí Nøngmaq gø vléshàì we Mvra rì svng vchángshì laqlúnì, Tiqdvng Vsvngò mvra rì svng shóngnøntní vroqā lún we kūnga vzàm rì svng lùshì laqlúni. Døngman shóngnønt vjø’ng Gvray gvsangò Talen svng nøngmaqí vpø’ shvring cvndvgøm lúnlvm rvt nøngmaq taq Ra íwe jèjú ìshøt rì svng mv’ng Kvmnøntní vjúrøt tvleshì laqlúnì.
