Yesu shì nø zun long dang méshø̀m kvt dvtáò we nvng Yaku ó Yohan dvgùng láshì we

Mòngkà taq Yohán nvng Yaku angni nvm røtshì we svng Yesuí vtà:ngò dang taq Kàngpè Yesuò zitnøt rálnøt dvtvnò we svng yvnglún shìe. Dvgá coqcvnrì svng mvrà shvrilvm mvdvmø mvzvn nøtløm nøtshò dø nvnggùn kánglvm mvngle Kàngpè Yesuí shvngøtnòe. Vránø muqlàng móngdàn vdòng taqø nvmlat nvng té vtvng mvyø’ gø’ nø Vsvng Angcè pè Ngà wv́ngshø̀ng dø tiqdvchá íe. Ngà nø vsa:ngí leq dèzø̄mvt wv̄ng dø̀ng dakngà we mø̀í. Vsvng kaq dvzø̄mlv́m dvpvt nvng Ngà gø̀nshaq nø mvme gǿ dvpvt chutchv́ng dvpø̀ zíshìlv́m dvpvt mv̀ng dø̀ng dakngà we íe,” a:lòe.

Yohan nvng Yaku nø Kàngpè Yesu Kristu í, shvngøt dø tiq dvchá kv’mnønt tvrà taq dvzaqshìe, nøngmaq shvngbe svng gø mvrà roqākélvm shvdúm nø Kàngpèò móngdàn vhánglvm, nøngmaq taq kadángte mvrà vlnìgø, mvkømzøp we ínìgø, nøngmaq shvngbe svng chut chvnglvm shvdøngā we ínø, Gvray móngdàn vhánglvm zøm dàng we íe, wanø angní nvm røtshì we taqkení shálúnshìe.