“Mòngzøl lòng dvpvt Bvnli ewa nø”/”Lvnvt mabá dø døngmvn tvra svng elá nøng”
Svrabín koqkampè leo (14)nø Castel Gandolfa vl Villa Barberini chøm shøng gvn yvng vl we shvngkà dvm taq vl ri svng shøn we nø Mòngzøl we tvra dvpat té wa bvnli wa lvm nvng vra shì lvm dang svng shøn ne.
“Mòngzøl lvm lòng dvpat vjúrøt aì.
Mòngzøl lvm lòng dvpat bvnli wa aì.Mvwam shi lòng svng gø shiyum ì.Rvgaq mvdam taq mvwam shi long nø té wa luq lung ì “wa nø Svrabín koqkampè Leo (14)íCastel Gandolfa yvng àng wa nàr shi rvtø ri nvng Bvnli wa we àngni ri taq Villa Barberini taq vl we Shvngkà dvp vsvng tiq mvdò dvng shøn bø we íe.
Ya Kà ri nø vle a:me we Lvban ni taq Angelus vjúrøt rvtø taq shøn bø we kà svng vrá tiq kvt shvdøm we íe.We rvtø American nvng Israel maq Iraq mvdvm gvyaq vcat nvng Iraq ínø bombí vcat we dang svng Svrabín koqkampè Leo (14)í nøMòngzøl lvm long tvra svng tasvng tale gvyaq we, Mvrø we,Shvnip shvnvr we shì lvm tvra svng bøn dvzvr we lvnvq ri svng mvlvng lvm shøn bø awe íe.
