Ngv̀nshà rì kaq shóngshì rà we

Deni mòngkà taq Gvray ang tiqgø’ wa kømzøp we mvrézānøt, shóngnøt angkàng nvng mvrà chutnālúnò we íe. Nøngmaq vsvngrì nø kømzøp we vsvngrì mví shàì. Wedø ínìgø Namaq Nvpèí mvré èzanøng dø tiq dvchá, namaq gø mvré nàzākénøng wa Kàngpè Yesuí dvtú shvngøtne.

Mvkømzøp we nøngmaq nø vdè mvkømzøp we dang svng vnáì nø Vsvng kaq mèshèrànøngni; wekvt namaq svng gø Vsàngí shvrà we mènàhǿm lóngnøng. Vsvng kaq kà mèrvtnøngni; wekvt namaq svng gø kà mèrvtnvtnøng. Mvrà èchutnanø̀ng; wekvt namaq mvrà gø èchutnavtnønge wae. Deni mòngkà taqkení dvshvt dvtú shvngøt dø tiq dvchá vmpà màvm vnatshì rvtø taq nøt mvsøn vjàng laqyà vwángshì lúnlvm Gvrayí mvré èzanøng dø tiq dvchá, nøngmaq gø mvrézākélvm dvzaq dvkangshàì. Shvngbe svng oqà.