Shv̀mná rí mvdaq we
Cārvmàng vsvngrì kaq nø, ‘Vsvng shvt mvdaq; vsvng shvt we kagǿ ínìgø dvrá dvra we vhǿm vdū longe,’ v̄l yà:ngà kà namaqí vtáshaq íe. Iwe, Ngàí namaq svng v̄la:tnìni; kagǿ ínìgø angnv̄m angchvng tiq gǿ svng mvtú màdá shv̀mná rí gǿ nø dvrá dvrā we vhǿm vdū longe. Kagǿ ínìgø angnv̄m angchvng kaq yv́ng mvtv̀má:mò nø, nà nø angdé èíe, wa shø̀n vsvng nø shaqré lìpòngmè taq dvrá dvra we vhǿm vdū longe.
Kagǿ ínìgø angnv̄m angchvng svng dvrøq nø, ‘Angdál nà!’ wa shø̀n gǿ nø zùpvng svmi móng kèní mvlutshì long. Wedø í rvtnø shvrúngrà yv́ng svng nàò shvrúng gønpaq nàí èlv́nga:tnò ke, nvnvm nvchvng tiq gǿgǿí nà svng shvràlv́m la v̄l we èdǿmshi lōng nìnø; nàò shvrúng gønpaq lòng nø shvrúngrà shvnvngø èlà:ngò dá:ngí, èdīvm nø nvnvm gǿ nvng shini shèrv́mshìv̄m. Wedá:ngí wā nàò shvrúng gønpaq lòng nø shèrú:ngò. Nà nvng nàkokéshì we vsvng nvng shini tvrà rāmø èdìshi dvgvp, cancan ang nvng shèrv́mshi; mø̀íni nà svng èko pèí dvrá vjì wūr taq tèlē bø nø, dvrá vjìpèí rá ang cìlcè svng tèlē bø nìnø, nà svng tūng taq èróng bø̄e. uNgàí namaq svng jø̀ngjǿng v̄la:tnìni, bèshàn tiq gø̀mcè gø màmvzāshi høq mèwaqnø̀ng dv́ngte weyv́ng kèní mèlutshinø̀ng, wàe.
Kristu vdòng taq Vpø’ íwe pèmè vnvmchvngmaq,
Nøngmaqò ni vrvm cúnshàì we lvpat yv’ng, yalòng Mongkàciq í nø nøngmaqò Nønt mvsøn, dvshà mvhøt lvm rì nvng V-toq V-tip tvrà svng kadø wā zø’m nø pvrvn lvm, vrá tiqkvt dvdvm vjáng lúnlvm rvt nøngmaq kaq svng ègō íē, shèdømìe. Vrá nø, Shvmná rí we mvwàlvm nvng vlún dv’ngte øpshì nø, shvrvm shvráshì nø mongzøl lòng svng lá lúnlvm rvt nøngmaq kaq svng dèkv’mìe, shengøt dètú íe. Nønt dvt nø nònggùn kūnga vnø’n we mvwáshì we vzv’ng, banchvk rì svng shangshang wāce shvrúng we í mongzøl lòng svng dvdvm vjáng nø dvdvm lún ràe. Yalòng shvngøt dvtú we dvkv’m Kà nø, Nøngmaqò V-toq V-tipmì dang taqø nvmlattiq rvtø zí lúnlvm rvt nøngmaq svng ègō íē.
Nøngmaqò Pvlàcè lvpat nø tiqdvng vsvngrì kaq, nøngmaq V-toq V-tip mì lòng nvng rvnaq dø vzø’m vzapmì lòng svng síngràl dvzvrè. Vrá nø, Dvshà mvhøt lòng, Cìpshì lòng nvng vroqā lòng svng tønzv’n Nøntní , Nønt yv’nggúngí dvnúngshì we taq, nøngmaqò chøm vsvngrì nvng Vsvng mvngpòng dvhø taqgø ‘nøngnøng vrá’ vl lún we Nønt mvsøn svng shø’pshì lúnè. Banchvk Shiwvt rì svng pvrvn we taqgø vshò Nøntní shvmun shvjangshì nø, nøngmaq tāsvng tālè V-toq V-tip mì we tvrà taqgø dvrit dvhvng lòng mvdvm, shóngnønt dvbā taqkèní vrvngshì dvtán lúnlvm rvt dvzaq dvkvngshì laqlúnì. Shvngbe svng oqā.
