Lewi goò we
hvngbe svng Pamvra!
Dèsháng vrá Pvlàcè nònggùn lùshì lvm Gvray móngkà ciq nø
Lk 5:27-32ciq vdòng taqkèní íē.
Gvray móngkà vzv’ng røshì lvm wàì.
Lewi goò we
27 We mèpvng Yesu búngá:mì nø, Lewi, tǿò we kùyà gúnshú tiq pè, kùyà gún chø̀m yv́ng rūng dā we svng A:ngí yv̀ng bǿà nìnø ang kaq, “Ngà svng ècv̀n ra,” a:lòe. j 28 Wekvt Lewi nø vl dv́ngte cā la:ngò dá:ngí, Yesu mèpvng cv̀n bǿà. 29 We mèpvng Lewií Yesu dvpvt angchø̀m taq v́m bóymè tiq lòng dóò nø, kùyà gúnrì mvme tiq mvdò nvng dvgá mvme gø angmaq nvng tiqdø v́mpà v̄m nø námrunge. k 30 Wekvt Farisirì nvng dvrá svrarì nø Ang coqcv́nrì svng vbø̄nshì nø, “Namaq nø pàwálv́m kùyà gúnrì ó mvrà v̄l vsvngrì nvng tiqdø èv́m èaqnønge ma?” a:lòe. 31 Yesuí vtà:ngò nø angmaq svng, “Pà mvrà í vsvng nø cì svra zǿm mvdv̀ng, zā vsvngrì lè zǿmdv̀nge. 32 Ngà nø døngman vsvng kaq gō nvng dø̄ng dakngà we mø̀í, mvrà v̄l rì lawv́ngshi rā dø go nvng dø̀ng dakngà we mv̀ng íe,” a:lòe.
Vkangpè Yesuí gōò we kùyà gúnshú vsvng tiqgø’ò lvpat nø gvzàni dālvm ra íe. Àng mvtú nø, kùyà gúnshú vsvng rì nø móngdànò vsvngrì dvpvt dvzømshú wáshì mvdvm kùyà gúnò we taq, angdèo sùmpuq yv’ng svng cànglvm dvpvt mvdøng mvman dø, mà dvrá dø gúnò rvt Vsvng mvmè í yìtvm we nvng zérshì lòng svng vhø’mò rvt íe. Vkangpè Yesuí nø ang kaq dòngnønt mvsøn kèní síngà lúnò nø Mvréòe. Vkangpè Yesu Kristu í vkvtdø íwe kùyà gúnshú vsvng kaq shvraq chaq mà mvyø’, angdèo dvzvr lvmboq ku kùyà gúnshú pè Lewi kaq svng goò nø rvzvng yangà. Vkangpè Yesu Kristuò vnvp we Mvkok dvdí shóngnønt lòng svng vkvtdø yv’nglúnshìe. Vkangpè Yesu Kristu mèpvng cvnì we Nøngmaq taqgø vpø’ nø ring we Nønt mvsøn, vnvp we mvkok dvdí shóngnønt vjang laqyà rì í dvcøp vdv’ngshì nø shvnvpshì nø nøngmaqò Mònggvn rvgaq yachang svng shvngør shvnvp laqlúnì.
