Myitkyina Svrado Gwørwang vyv̀:ng roqshúpè John Mungngawn La Sam taqkèní Pung Ngay Yang IDP Camp svng dinø̀ vriqò we
13 February 2026
Bishop John Mungngawn La Sam ò shìgùng móng dvbùshvng vriqò zaqlè tvrà taq Pung Ngay Yang IDP Camp svng gø 12 February 2026 ni taq tuq bǿì we íe
Bishop John Mungngawn La Sam nø Lungsha Yang Parish, Sumpyi Yang, Ntsi Yang mvrìng rì kèní rvcáng cèrì mvjàn yølshì bǿì we IDP Camp svng dinø̀ Missa vjúrøt kùng wáshì bøì we nvng rvcángcèrì (40) gǿ rì svng gø Confirmation Sacramento svng zílún bǿà we íe.
Pong Ngay Yang IDP Camp nø Sumpra Bum gø̀rwang vdòngø vl we Putao Myuqne kèní rvcángcèrì chø̀m gùng (250) chø̀m, vsvng go rø (1366) gǿ vlwe IDP Camp tiqlòng gø íe.
