Tiløp Yohan vgo tu:tnò we
Shvngbe svng Pamvra! Shvngbeí Gvray mongzøl lòng vtoshì laqlúnì.Dèni Pvlàcè nònggùn lùshì lvm, nònggùn vzí kélvm Gvray móngkà nø, MK 6:14-29 ciq vdòng taqkèní íē. Mongkà vzvng røshì lvm wàì.
Yesu Ang mòng nø kayv́ng màyv́ng shv̀ngá:mì nø, Herod koqká:mí gø tá bǿà. Wedvgvp tiqmaq nø, “Tiløp Yohan shì yv́ng kèní zun lú:ngì nø dvdv̄m vtiqlv́m jórnònggùn bv̀nlì yadv́ng pv̀n wàò pà íe,” wae. Tiqmaq nø, “Eliya í pà íe,” wae. Vrá tiqmaq nø, “Ang nø darì kàdvtutshú rì dø í we tiq pè íe,” wae. 16 Iwe Herodní tá bǿà kvt nø, “Ngàí vgo tutnvpmà pè Yohan we pè ni shi yv́ng kèní zun lú:ngì pà íe,” wae.
Vpø’ íwe vnvmchvngmaq,
Dèni nøngmaqí tálúnì we MK Gvray Dvbùshang móngkà taq Døngman we Gvray Dvrá Mongkà svng vzaqshì Nøntní dvshangò nø gønshaq lvpat vpnóngshì bø’ì we Tìløp zíshú Yohanò lvpat mvshøl tvrà svng móngkà taq tálúnshìe.
Yadang svng dvdvm nø Nøngmaq v-li we Mònggvn rvgaq yachang mvdvm taqø Døngman we Dvrá rvt gønshaq vpnóngshì nø shvwi tìwang shóshì bø’ì rì gø rø mvzvnshìhøq mvmè vlē. Nøngmaq gø’ vrvm nø Mònggvn yachang mvdvm yv’ngø shvla we shvra, shvbóng shvmvtshì ra tiqlòng í lúnlvm rvt vrvngshì we taq Døngman lòngò rvzvngce ku cúnshì lúnlvm rvt dvzaq dvkvngshì laqlúnì.
