Svrabín Koqkvm Leo (14)í Kvmnønt nvng sing Svrabín Koqkvm rúng (DDF)kaq shø’n bø’ì Móngkà

Kvmnønt nvng sing we rúng (DDF)ò bvnlì Svrabín Koqkvm Leo (14)í wè rúngò mvdøng bvnlì nø Praedicate Evangelium mvpv’ng Dvrá Upvdi ku Catholic shvngømréò shvngøt dvtú lòng roqgar lvm dvpvt nvng zidvng hang lvm nø Svrabín Koqkvm nvng svrado rì kaq svng tùbùm dvbvng shì lòng i dang vpø’ Nøntní shø’n bø’ì. Wè yv’ngø vkvtdø í rì vbáè.

• ” Kvmnøntnò zaqshøp” svng mvtū nø lvpat shvr cerìo røt Kà rì mvdvm téwa síngà lúnlvm rvt dvzaqshì we.
• Vpø’ nø ring we vtong laqyà nvng sing we røt Kà rì dvpvt Døngman tvrà nvng Jøm Mongkà rì nvng singdø dvtú we dang rì zí we.

Dvci Tiqban nvng tiqban kaq Kvmnønt tvleshì lòng vcat we Svrabín Koqkvm ínø dènila lvpat taqø lvpat shvr rì dvhø Kvmnønt dvtit tvle lvm rì ne-yv’ng ne-gvm ” vcat we” tiqlòng bø’n bung dang dvtú bø’ì.

• Dvdvm v-tiqra Dari dvgvp kèní Christian shvngømré bø’nbung bø’ì we rvgaqri taqø zilangré rì nø dvbùshang Dvrá svng angdèo lvpat dvpvt Nvmlat mvpv’ng í lòng svng yv’ng mvlúnò.
• A:tánshì lòng, yalòng ang dvja dvpvt Nønt yòr lvm wā mvtaq, Sasvna me kèní ” Dvbùshang Mongkà Dvrá dvshang nø Nønt shøm lòng zílún we dvbù lvm lòng” svng vrá lá lún ra we íe.
• Sasvna wà we Nønt; Sasvna me nø angdè nø angde wā yv’ngshì we mø-í vtv’ng kaq svng yv’ng lún we Sasvna wà shvngømré me í ràe.

Shøl lún we kūnga vl lvm nvng Cìpshì we Sasvna me nø kadø wā vháng lún lòng svng vlē á:mì we Svrabín Koqkvm rìo shvngøt dvtú dang nvng vbóng vtuk dø pø’nà nø shø’n bø’ì.

• Shøl lún kūnga, Sasvna me nø angde nø angde dvcøp vdv’ng hángshì lòng mø-í nø” Mvré zā shóngnønt”(Charity) kèní wā Tiqdvng vsvng kaq svng shøl lún ràe.
• Kristu nø mvdøng mvpv’ng; shøl lún lòng nø Sasvna me mø-í nø Kristu ni í dang, rvzvngcerì nø Kristu Gvrayò Brimtì kùrwang vdòng taqkèní ” Cìpshì we bvnlì wà rì” le í dang dvkv’m bø’ì.

Lún kv’ng Dvrá nvng kùpgar lòng lvngdøm dvtømshì ku Svrabín Koqkvm í nø Vchvk we Mvra nvng sing dø banchvk rì svng dvnúngshì we taq wè Sasvna rúngò bvnlì svng dvtán bø’à.

• Shiwvt mvbø’n rì svng pvrvn we svrado rì nvng bvnlì wà rì svng Mvre zā lòng nvng Dìngman we Kàrvt mvtúrì taqkèní tùbùm dvbvng lvm rvt dvkv’m bø’ì.
• Vkvtdø shvla we bvnlìrì taqø lún v-du we vlún vkvng, Dìngman lòng nvng shóngnønt Dvrá rì svng kadvgvp gø vpø’ Nøntní cvndvgøm lúnlvm rvt mvdøng mvdaq dvkv’m bø’ì.