Yesu bø̀ng tǿò we
Moshi Dvrá taq vgv̄nshaq dø dvshàn dvshérshilv́m angni gø̀ ráì dvgvp, angní nø cv̀mré pè baqò nø Gvray kaq shvrúngālv́m Yerusalem svng ngāngá:mì. Kadø íe wani, Vkàngpè Dvrá Kàru taq, “Vlat gà:lò we lvngàré pè vrv̀m nø Vkàngpè svng shvrúnga ràe,” wa vrū yà:ngà. Kàngpè Dvrá taq kuqcøl tiq shvgøp, mø̀íni kāø cè vní go shvrúnga ràe, wa vshǿnshaq dø tiqdvchá angníí Gvray kaq shvrúngaòe.
dvzø:mò we tiq mè íe. Wervtø̀ taqni ang gø weyv́ng gòng lú:ngì nø, Gvray kaq oqà wā taqsórí, Yerusalem rì chutchv́ng daqò we svng nøt vlǿmshi nø cā dáò rì í dv́ngte kaq cv̀mré gǿ dāng shǿn mā:nòe.Yosep nvng Mari nø Vkàngpè Dvrá dø tiq dvchá, pv̀n vrv̀m cv́n dvgø̄m bǿà dá:ngí, Galili rvgaq Nazaret mvrìng svng vtv́ngá:mì. Cv̀mré pè nø té mv̄nshì lú:ngì nø, zitnøt rálnøt zø̀ng taqsórí, nònggùn kùngà gø kv́ng mv̄nshì lú:ngì. Vrá, Gvray Ang jejú gø Ang mvdv̀mø vhapme.
Kristu vdòng taq Vpø’ íwe vnvmchvngmaq, Dènio Gvray Dvbùshang móngkà taq, Vkangpè Yesu Kristu svng Noqngøm tøngnu mè vdòng kaq svng dì nø Noqngøm yangà tvrà svng nøngmaqí dvdvmì dang gø íe.
Vpø’ íwe vnvmchvngmaq, Vmè Maria nvng Vpè Joseph ní í nø Longza pè Yesu svng Noqngøm Chøm tøngnu kaq svng dì nø vp tvle shvringò lòng nø Moshi ò Dvrá Upvdi svng Kømzøp lúnlvm rvt gø ínø, Yada dvci rìo Toniò vtóng svng màrøl màzvt dø cvndvgøm shì lòng gø íe, walòng svng gø shálúnshìe.
Nøngmaq lvpat taq gø Dari shaqré rì í cvndvgøm yangà we Dvrá Upvdi rì nvng Vtong laqyà rì svng Gvray gvsangò angcø angcèrì Jø’ngkvp ku cvndvgøm nø cúnshì lúnlvm rvt tvleshì laqlúnì. Nøngmaq taq zø’m dv’ng we jèjú ìshøt rì svng Kvmnøntní røtnímshì laqlúnì, wvng dvshat nø nònggùn zí mvyøngè. Shvngbeí Gvray Shvmv’n jèjú vtoshì leqlúnøng!
