Yesuí tima na:rò we
Weni dørø̀m høqa:tnà dvgvp, Yesuí coqcv́nrì kaq, “Tìnúngmè kupa léshàì,” a:lòe. Wervt coqcv́nrì nø vsv̀ng loksokrì là:ngò nø̀, Yesu rung we kùngshí sv̀ng zv́ngshì dá:ngí, Àng nv̀ng tiqdø léshìe. Dvgá kùngshírì gø zv̀ne. Wekvt nv̀mbø̀ng mvrùmè mut ráì nø̀, tìma pvlòng weí, kùngshí nø tìí zǿng mvnshì lú:ngì. Yesu nø kùngshí ni yv́ng vgo mvkøm mvkømshì nø̀ yøpme.
Wekvt coqcv́nrìí Àng sv̀ng dvsha:tnò nø̀, “Kàngpèá, vmv́nglv́m wàì we sv̀ng Nàí mènøtshà má?” wa vkiqe. Wervt Àng kungshì nø̀ nv̀mbø̀ng sv̀ng nga:nò nø̀, tìma sv̀ng gø, “Shø̀mwa èzø̀lvm,” vl bǿà kvt, wela:ngí nv̀mbø̀ng shø̀má:mì nø̀ vtvngshaq mòngzø̀lá:mì.
Yesuí, “Pàwá wedv́ngte sèrenø̀nge? Akvt høq kv́mnøt mèv̀lnø̀ng má?” a:lòe. Íwe, àngmaq gvzà svreá:mì nø̀, “Yapè nø kagǿ íe má? Nv̀mbø̀ng nv̀ng tìma gø Àng kà tae,” wa vrùnge.
Angcè rì(6)gø vdá we cvmré angmé tiq gø yvng yvnga .Tiq ni taq cvm vtang gø modo í sùng shí vtøp nø shì bø ì kè nøt løm shi lvm mv vl høq gvzàà nøt dvt lvm vhøm yàngaà. Lòng za tiq gø wá la í ni nø kà dvng té dvng nøt za lvm vl má dvdvm gōmv røn shi na íe.
Abraham nø ang cē tiq pècē wá vdá ya:ngì. Í ni Gvray angcè pè svng shemvng at ò a:loe kè nøt vní nøt mà nøt shaq shò shò wá Shv rúng ya:ngà . Gvray í nø pà gø wá da:ng òe. Shì vsvng kaq gø dvzūn lún ò we íe wà we kvm jøng kvm rvt Shv rúng ya:ngà.
Kvm nøt taq kè ní Gvray nøt ídø cànnò nø wà òwe Abraham svngdvn kà zí yàngà dø ì shøt zí yang a we tvrà nøng maq shvng be í vshá Shaq íe.
Deni Gvray nønøngmaq taq kè ní kà pà røt shi má ?.shò shò wá zí lún lvm tvlú eí bø ìma?.Gvray í nø té nø té wa luq pøng we ì shø shóra lvm rvt ecā ì e.Tá bø shà we mòng kà taq tinúng svng Kang Yesu í ng:n ò kvt nvm bøng gø nār bø a nø to núng gø shømá :mi nø lùng mvà a:mì dø tiq dvchá nøngmaq ò lvpvt taq mvrù me møt we vhømi dvgvp Gvray kaq vløm shì nø Gvray í dvbang lvm rvt røt shi ra ewvng nø dv shvr mvyøne.
