Lvknvk Kà Táshì Shvrà Taqø Gø, Namaq Nø Yesuò Svkserì èínøngè.

Svrabín koqkámpè Leo XIV nø, (30) wa poq vdeò lvpat svng Gvray kaq apnúng dvleshì shaqrìò mònggvn angni vjúrøt missa taq, vdeò lvpat svng Gvray kaq apnóng dvleshì bø’ì we lvngàré nvng svmarérì svng gvza yat we rvtø taq Namaqò kv’mnønt nvng vkvt dø tønshì zánò we svng Shvgùn shvring we nvng, Sømsaq mòngzøllvmò bøtdvshi nvng Nøt vlø’mshìrà ílvm dvshvt dvtú we íe.

1997 nøng taq Svrabín Shvnshér pè Yohan Pawlu II taqkení Cvmré Yesucè svng noqngøm tøngnø taq apnóng dvleshì we bóy angni svng February shvlá (2) ni taq vdeò lvpat svng Gvray kaq apnóng dvleshì bø’ì rìò bóy svng wápáng shì nø, nøng vrvm wàlvm shvdøng mvsvt shì we bóy gø íe.