Lk 9:51-56
Shóngshø̀ngwe Pèmè vnvm vchvng maq dèniò mòngkà taq Yesu nvng àng dvzv́r rì Yerusalem svng diwe tvrà tálún shìwe íe.
Kàngpè Yesu nø àngò chutcháng we tvrà svng chvpdvp wálún lv́m dvpvt Galile móng tìni lvpø Samaritan móng rewe we dinø Yeruslem wamà Judia svng dvzv́r rì nvng tuqráì. Àngmaqò we zaqlè tvrà nø vchvk we dang Lk 9:51 taq ” Yesu muqlàng kaq vbunlv́m angni yùl ráì rvtnø, Yesu nø Yerusalem wamà svng dìlv́m nøt rvtshìe.” wanø̀ gø Lk 19:28 ” A:ngí yadv́ng pv̀n shǿn dv́ng bǿà mèpvng Yesu nø angmaq vzv̀ngzv̀ng Yerusalem svng ngāngá:mì.” wanø vtàn ráà we svng yv́ng shìe.
We Yesu nvng dvzv́r rìò zaqlè tvrà taq Samaritan vsvngrì nø zaqlè vto mvwá shì we svng mòngkà taq yv́nglún shìwe íe. Wervt dvzv́r Yaku nvng Yohan nø tvle teq lv́m Yeruslem svng røtshìe. Vdèò ngàshàpè kaq shóngshì ràe wawe kà vl wedø tiqdvchá dvzv́r rì nø Yesu nvng tvp wa vlwe høqshaq nøt mvsø̀n rì nø Gvray àng nvng vsvr we dang yv́ng lún shìwe íe.
Wedø vdè nvng màbóng we vsvng nø vdèò ngànshà íe wawe nøt mvsø̀n gv́lshì mvdaq we nvng màbóng we tvrà rì mvdàmø vtoshì shálv́m laqni vchvk we svng shvdǿm we íe. Wervt nøng maq shvngbe gø rvcángcèrì lvpat taq cúnshì ráshà we tvrà taq kèní wanø kø̀mzøp we lvpat tvrà svng vtoshì lúnì we mǿí Yesu Kristuò chutcháng we dvbùshvng tvrà àngò lvpat tvrà rì taq cv̀nì nø shvla we rvcángcè lvpat tvrà taq dvzaq shìlv́m waì.
