Mvmv’ng Cangrì kaq lù:ngò we
Mvmv’ng Cangrì kaq lù:ngò we kūnga vzàm í, Kristu nø bøng shà:ng lúngì lòng svng Mongkà Svra rì í shá bø’à kvt Vkangpè taq Mvmv’ng Cang Koqkvm dvchøp lúngì rvt, wè gø’ Satanò kūnga vzàm kèní vsvngrì taqø dvchøp we Cang rì kaq svng dvshè:rò we íe, wā shø’nè.
Wekvt Vkangpè Yesuí àngmaq vbø’nshì nø yítshì lòng svng mvdøng mvman we shá bø’à kvt kashvbóng mvshøl kèní vtá:nòe. Àngmaq yv’ngkèní yítshì lòng nø Pvlàcè tvrà svng vgámò we Mvra, Gvrayí chutnà mvlún we Mvra í dang tøpni tøprang shø’nòe.
Wervt Angwa mvbøn rì mvdvm, Dvdvm lvm rvzaq we mvbøn rì nvng vhø’m v-du ra dvgvp, Dvdvm nø Kà rvt lvm tvle nø, Døngman lòng svng mvng lá dvzaqshì lúnlvm rvt mvbø’n yalòng kèní nøngmaqí cvnshì lúnìe.
Angò mvbø’n lòng svng shvlá wa màsháshaq, mvdvm shvle kèní wa shø’n shì lòng nø Vsvng tiqgø’ò dvgùng svng dvról sháò pàdø, wè gø’ kaq svng shøl we øp we Shànshér Pvlàcè kaq svng gø timvlv’n we Mvra bø’n sháòe. Wervt vpø’ íwe pèmè vnvmchvngmaq, Yòr yòrceí Kàciq rvt we mø-í dø vyáshì taqsórí Døngman lòng svng mvng lá lúnlvm rvt, vjang laqyà shvlá rì svng mvng shøpshì, gvlshì laqlúnì.
