Spain móngdàn taq míyvtá (Train accident) bø̀n bǿì we taq shìbǿì we móng vsv̀ngrì dvpvt Svrabín koqkv́mpèò vjúrøtā we nvng yòl kàru shvri bǿà we

Spain móngdàn taq vle á:mìwe lvbán ni taq míyvtá (Train accident) vtøp bǿì we taq vsvng 39 gǿ shì bǿì nø vsvng mvme dvmmá lúnbǿà we taq Svrabín koqkv́mpè Leo XIV taqkèní vjúrøtā we nvng yòl kàru shvri bǿà wegø íe.
We mvhøt lv́m shìwvt tvrà taq svngpv̀n dvsháza tubúm mvdò rì cvn cvn tuqlún nø chutcháng bv̀nlì wàlv́m gø dvtú bǿà we íe. We shìwvt dǿng taq vtøp ke bǿà we móng vsv̀ngrì shvngbe cvn cvn zǿm lúnlv́m vjúrøt dvbangā we nvng Gvray yv́ng kèní nøt shvlø̀m we vtoshì laqlúnò wanø̀ vtàn bǿà we dang Vatican shvngkà dvp kèní dvtú bǿà we íe.

January 18 ni taq Spain móngdàn Adamuz wamà kèní Madrid svng ngang we míyvtá (Train) nø tvrà taqø dvgá tiqchv̀ng nvng vtøp bǿì we taq vsvng 400 gǿ zúnshì we ínø̀ vsvng 39 gǿ shì bǿì nø 48 gø nø cìróng taq rúng vdu bǿì we svng we móngò shvngkà dvp rì kèní vtàn bǿà we íe.