Vlē á:mì we nøng la Mònggvn taqø vbø’, Vm ser téwa wá lúnò nø køni móngdàn rì kaq svng shvlē lúnò we móngdànrì mvmè vl yv’ngkèní (10) móngdàn svng dvtit tvle dang

Shvngbe svng RVA Rvwang Shvngkà tvyø kèní Pamvra.

Vpø’ íwe vnvmchvngmaqe, Dèni lvngcha nvng sing we lvmvng tvyø taq nø, Vlē á:mì we nøng la Mònggvn taqø vbø’, Vm ser téwa wá lúnò nø køni móngdàn rì kaq svng shvlē lúnò we móngdànrì mvmè vl yv’ngkèní (10) móngdàn svng dvtit tvle nø dvshvng lvm íe.

Wè rì nø;-
(1) Miwa móngdàn íe. Miwa móngdàn ínø tiqnøng vdòng taq vm ser danchøng (208.1) wvn høqshaq wálúnò nø shvlēòe, wàe.

(2) India móngdàn íē.India móngdàn ínø tiqnøng vdòng køni móngdàn rì kaq Vm ser danchøng (206.7) wvn høq wálúnò nø shvlē lúnòe.

(3) Bangladesh móngdàn íē. Bangladesh móngdàn í gø tiqnøng vdòng taqø Vm ser danchøng (58.6) wvn høq wálúnòe.

(4) Indonesia móngdàn íe.Indonesia móngdàn í gø tiqnøng vdòng, Vm ser danchøng (54) wvn høq wálúnòe.

(5) Vietnam móngdàn íe. Vietnam móngdàn í gø tiqnøng vdòng taq Vm ser danchøng (43.5) wvn høq wálúnòe.

(6) Thailand móngdàn íē.Thailand móngdàn í gø tiqnøng vdòng taq Vm ser danchøng (33.1) wvn høq wálúnòe.

(7) Nøngmaq Myanmar Móngdàn íe.Nøngmaq Myanmar Móngdàn í gø tiqnøng vdòng Vm ser danchøng (25.7) wvn høqshaq wálú:nìe.

(8) Philippines móngdàn íe.Philippines móngdàn ígø tiqnøng vdòng Vm ser danchøng ( 20.1) wvn høqshaq kvtnòe.

(9) Pakistan móngdàn íe. Pakistan móngdàn ígø tiqnøng vdòng taq Vm ser danchøng (14.8) wvn høqshaq wálúnòe.

Lvngdøm,
(10) Cambodia móngdàn íē. Cambodia móngdàn ígø tiqnøng vdòng taqø Vm ser danchøng (12.9) wvn høq wálúnò we svng shálúnshìe.

Vpø’ íwe pèmè vnvmchvngmaq,
Yadang svng dvdvmì nø, Rvtø lvngcha svng vpø’ shvring nø Móngdàn kèní dvmu bvnlì svng vháng dø wá lúnò pàdø, nøngmaq lvpat, døngku lvpat taqkèní gø Gvray í zi we Rvtø lvngcha svng vpø’ shvring nø vjú vl dø lvng laqlúnì, wvng dvshat nø nònggùn zí mvyøngè.\