“Mv̄nggv̄ng dvshè:rò we”
Shvngbe mvdvm Vkangpè mongzøl lòng laqtuqdaq.
Dèni rø v-du we Pvlàcè nònggùn lùshì lvm Gvray móngkà nø (Mark 1:40-45) vdòng taqkèní íe.
“Mv̄nggv̄ng dvshè:rò we” Mongkà tiqciq vzàng rø shì lvm wàì.
40 Mv̄ngga:ngí za we tiq gǿ dì ráì nø Ang mv́rdv̀ngø pvnciq tūshì nø kórshì sórí, “Nà dvban mèyǿ nìnø, ngà svng dvshér èngutnàe,” wae. x 41 Yesuí mvré lú:ngà nø Ang wur zúshi nø shu:pmò sórí, “Ngà mvyǿnge, nà leq shèrv̄m,” a:lòe. 42 Wepè góng taqò mv̄nggang lòng nø wela:ngí ni shèrá:mì.
Vpø’ íwe pèmè vnvmchvngmaq, Mongkà taq Gvray gvsangò dvshá zā Kūnga shaq svng tá lúnlvm rvt, Na, Nga nøngmaqò Nønt mvsøn bvngka svng tánshì laqlúnì. Tiqkvt lakvt nøngmaqí dìngman lòng svng cíngràl lú:nì nigø, dvnùng lvm rvt wá màzaq shàì, shvjé sháìe. Tiqdvng vsvngrì í nø Shvla lòng svng dvnúng lúnòe, wá lúnòe, wàe. Vkvtdø shø’nì, tálúnì yv’ngkèní wàlvm rvt dvdvmshì nigø, Nønt mvsøn vjang laqya kūnga kèní wá mvlúnì. Vkvtdø wá mvlúnì walòng svng dvdvmò taqsórí bø’n mvdaq walòng svng vrá vhø’m v-du nigø, shvlalvp kèní vrá tiqkvt yv’ng lúnòe, vtoshìlúnò rvt Vsvngrì svng Shvla lòng vjú zílún gø’ ku mònggvn taqø bøng te we íè. Vkvtdø Bøngtē rì svng yvngì taqsórí nøngmaqò Nønt mvsøn vjang laqyarì nø vzø’m nvmpàn mø-í, walòng svng vrá yv’nglúnshìe. Àngmaqí nø lvpat taq vhø’m v-du we dvshà mvhøt yvklvm rì, banchvk rì svng vlíng vpo dø pvrvn lúnò we, Nønt mvsøn vdòng taqkèní tálún we, lvpat mvnggá rì svng lvngdøm høqshaq Kvmnøntni dì nø cvndvgømò sórí tvleshì nø Shvkse wáshì rì íē, walòng svng yv’ng lúnshìe. Shá lúnshìe.
Vpø’ íwe pèmè vnvmchvngmaq,
Mv̄ngga:ngí za vsvng Kvmnøntní Vkangpè Yesu Ang mv́rdv̀ng yv’ngø pvnciq tūshì nø røtním tvleshì dvgvp jø’ngjøngni
shèr bø’ì pàdø nøngmaqò Nønt mvsøn tiqgóng taq gø vhø’mì we za yvng dvjang rì svng Vkangpè Yesu Kristu kaq svng Kvmnøntní Cìpshì Nøntní pvnciq tūshì nø røtním tvleshì laqlúnì. Shvngbeí Vkangpè Yesu Kristu yv’ngkèní shiqshan mongzøl lòng vtoshì laqlúnì,
Shvngbe svng Pamvra!.
