Pope Leo XIV taqkèní vzv̀nglvp rvtø̀ rì taq cv́n vduwe noqngø̀m vtóng dang nvng singnø dvtú we


January 25 ni Dvzv́r Polo ò jàng laqyà, nøt mvsø̀n vlíng vpo we bóy àngni
February 2 Lòngzàpè Yesu shøqbǿà we 40 ni gøm bǿì we àngni taq Jerusalem noqngø̀m tøngnø taq apshì we bóy àngni
February 18 ni nø v́m:aq vnvtshì we langchv svng gòng nø vba dvtø̀l vmvtshì we bóy àngni
v́m:aq vnvtshì we rvtø̀ lvngcha nv̀mlat lvbánø Svrabín koqkv́mpèò róng vsvngrì ám:vq vnvtshì nø vjúrøt shìwe rvtø̀

Lvmang tvyø rì
January 25 Dvzv́r Poloò jàng laqyà vlíng vpo we bóy angni taq Svrabín koqkv́mpè nø St. Paul Basilica noqngø̀m tø̀ngnø svng dinø̀ vjúrøt kùng wáshì lv́m íwe nvng weni taq 59 boq waboq rvcángcèrì nøt vzø̀m lv́m dang vjúrøt we lvbán gø ílong we. 


2. February 2 ni Lòngzàpè Yesu svng noqngø̀m tø̀ngnø svng apshì we bóy àngni taq Svrabín koqkv́mpè nø St. Peter Basilica noqngø̀m tø̀ngnø svng dinø Missa núngkùng vjúrøt lìpùngmè svng 30 boq waboq World Day of Consecrated Life àngni mvsat tvyø nvng tiqdø wáshì lv́m íwe. Weni svng St. John Paul II taqkèní mvsat ráà we ínø̀ kàciq gv́lshì shaq íwe Gvray bv̀nlì tvrà taq rip vsvngrì àngmaqò lvpat tvrà svng tiqkvt vrá dvdam dvtøp shìlv́m dang tvnùng we lìpùng.
3. February 18 vba dvtø̀l vmvtshì we bóy àngni taq Svrabín koqkv́mpè nø Aventine shìgùng taq vlwe St. Sabena Basilica taqø Benatine shvrúngshú rì nvng Missa núngwe vjúrøt kùng svng wáshì lv́m ínø̀ we tvyø svng nø St. John 23 vbat 20 àngyá mvzuq nǿng vdòng kèní pv́ngshì ráì we íe.
4. Ám:vq vnvntshì we nvmlat lvbán vdòng Svrabín koqkv́m róng taq bv̀nlì dvzømshú rì shvngbe nø nǿngni nøng vrv̀mò ám:vq vnvtshì we bóy rvtø̀ lvngcha vjúrøt dvzaqshì we, mùngkà mvngushì nø pvlàcè dang kù:ngà lushì we rvtø̀ ílong nø February 27 ni taq dvtøm lv́m ílonge.

We lvmang tvyø rìò àng mvtú nø Praedicate Evangelium Dvbùshvng mòngkà svng dèshernøng wawe mvtú kèní wáshì we svng dvtú bǿà we íe.