Vléò rì kaq chutna rà we
Mt 18:21, 19:1(31-34)
Mòngkà tashàì we vnvm vchvng maq mvrà chutā we nvng dvsháza shóngnøt, cipshì nøt wawe nø vsvng tiqgǿò lvpat tvrà taq màv́l mvdaq we íe. Shv̀shérpè Maximilian nø Franciscan shvnrúngshú tiqgǿ ínø̀ àngnø Yesu àngmè Mari kaq svng vlǿmshì nø Mari yv́ng kadvgvp gø Kàngpè Yesu kaq dvtit tvle vjúrøt dvbangā lv́m kadvgvp gø vjúrøt shìwe ínø àngò dvbùshvngbvnlì tvrà taq jór nònggwòn rì vtoshì lún:ò nø ìshøt jejúrì gvzà vtoshì lún ráà we dang yv́ngún shìe. Àngnø Mìwa móng høqshaq dvbùshvng bv̀nlì wá dvzaq shì yv̀:ngì we tiqgǿ gø íe.
Làngdø̀m taq àngsvng Nazi cìl mvdòí tvpmònø̀ shvnip shvnvr shvt vhǿm yv̀:ngà we shvnshér vsvng tiqgǿ gø íe. Àngnø vsvng tiqgǿò lvpat svng chutcháng lúnlv́m dvpvt àngò gø̀nshaq svng zíshìwe høqshaq kámnøt shvre we tiqgǿ íe.
Dèniò mòngkà taq Jodan rvmè kupa rvgaq mvgong móngø kumrà we yvkwe zaqlè tvrà døni Shvnshérpè Maximilian gø dvsháza shóngnøt taq tiqdv́ng vsvng kaq chutcháng lv́m àngò gønshaq svng zíshì we høqshaq Yesu kristuò chutcháng we tvrà dvbùshvng bv̀nlì taq dvzq shì ráì we svng yv́nglún shìwe íe.
Peterí Yesu svng vnvm vchvngrìò vléshì we mvrà rì svng kadángboq høqshaq chutā vdu má wa røtnòe. Yesu Kristuí àngò mvrà chutā we nøt laqyà bv̀nlì tvrà svng yv̀ngnø cvnshì lv́m mòngkà taq dvkám ráà we íe.
