Tiløp Yohan gv̀llv́m dang
Deni mòngkà taq Samson nvng Tiløp Yohan nísvng gvllvm dang svng muqlàng dvzvrí dvtáshaq íe. Elizabeth vdǿm ínø cvrǿng ráì høq angcè màdá. Samson nvng Tiløp Yohan nínø Gvray dvpvt bvnlì wàlvm angmè zèshøp keníni rvcàng shaq íe. Angní nø Naziri vsvng írvt bimrø̄ng kèní í we v́mlv́m kapv̀n gø v́m mvdaq.
Nø̀ gø, dvshi zá:ngò we vrù rā pv̀n gø aq mvdaq. Mvshèr we dvrè pàgø v́m mvdaq dvkv́m kà shvngbe svng cv́n ràwe íe.
Angní shòní gø nø lūshìlvm dvpvt dvzaqshìe. Samson nø Filistin vsvngrì wur svng Vbìcé nǿng tvlē bǿà we taqkení lúnlvm dvzaq dvkángshìe. Tiløp Yohan ínìnø vsvngrì mvrà vdùng taqkení lutlvm nøt língshì vwángshìlvm dvzaqshìe. Shvnshér Pvlacè lutshìlvm dvzaqshìe. Kristu koqkvmpè rvgaq mvdvmø tuqrā dvgvp wa kømgøm kømzøplvm írvt Kristu tuqlvm tvrà dvgáshú íe.
Gvray Ang dvzv́r kà svng Manoa ang chø̀mmèí vtoòe. Manoa gø ngà kvme wae. Wekvt cv̀mré wepè svng kadødø dvkùm nø vcún vsònglv́m dang nøngmaq svng shvngøt shvngøtshà wanø røtshìe.
Zakariaí muqlàng dvzv́r svng, “Ngà nø cvrǿng rángà; ngà chø̀mmè angbat gø vlē ráì. Ini yalòng dìng we nø ngàí kapà kèní lvshángònøng?” a:lòe. “Ngà nø Gvray mv́rdv̀ngø rip pè Gabriel ǿngà nø, nà svng dvbùlv́m shv̀ngkà yalòng dvtálvm rvt ngà svng dèzv́r dakngà we íe. Eyà:ngò, ngà kàrì svng nà mèkv́m rvtnø, yadv́ng pv̀n shini màhø̄m rā dv́ngte nà nø màá èí long nø, kà shǿn mèlún lú:ngò.
