Pope Leo XIV nvng Ukraine gv̀mzø̀pè vhøm nø dvmvn we
Pope Leo XIV nø àng Svrabín koqkv́m vya svng kámshì bǿì mèpvng Ukraine gv̀mzø̀pè nvng (3) boq høqshaq vhøm nø dvmvn we wáshì bǿì wegø íe. Yaboq àngní vhømnø dvmvn we tvyø taq Svrabín Leo XIV taqkèní mòngzø̀l we tvrà svng vrang dvzaqshì lv́m dang dvtú bǿà wegø íe. Vránø mvjàn dvhø̀ taq tvp vhǿm bǿà we Ukraine móngò cv̀mré rì kaq svng àngpè àngmè maq kaq cvn cvn dvtuqā lv́m nvng kønmvng tvrà rì téwa ngàngdøng dø dvcøp lv́m dang vrashì bǿì wegø íe.
Pope Leo XIV taqkèní Svrabín vya svng kámshì bǿì mèpvng 2 shvlá vdòng mvjàn rvt yilshì vdu we móng vsvngrì dang dvsháza bv̀nlì wàlv́m nvng svngpvn dvsháza nøt gv́lshì lv́m nvng vjúrøt dvbangā we tvrà rì pv̀nyv̀n wáshì ráì wegø íe.
Yaboq àngní m vhømnø dvmvn we tvrà taq Russia móng kèní tvp vhǿm bǿà we Ukraine móng vsvngrì àng vdè móng svng vrá shvloā lv́m tvrà rì cvn cvn wá vdu we dang dvtú bǿà wegø íe.
News- Vatican News
