Nøngmaq shvngbe nø ” bvløng ” nvng vbóngè

Mati 11; 11-15
( Esaya 41;13-20 )

Dèni tashì nø Pvlàcè nònggùn lùshì lvm Gvray mongkà nø (Mati 11; 11-15) ciq vdòng taqkèní ínø, Mongkà (1)ciq nø (Esaya 41;13-20)ciq vdòng taqkèní íē.

Vpø’ íwe pèmè vnvmchvngmaq, Mongkà tiqciq taq Israel dvci svng Cvm vtv’ng dvci tiqlòng ku dvtánòe. Vsvngrì kaq bødè nvng shvbóng nø dvtánòe. Mongkà taq bødè nø gvzà mà chvk lòng, Cvm vtv’ng lòng, mvrshvm mà nvp tv’ng, Tin gvyaq lòng yadø í rì taqkèní angpvnpvn shvbóng nø dvtán yangà. Dvtan (22:6) bødè (mø-í ni) bvløng svng Yesu Kristuò dvshà mvhøt vhø’m lòng ku dvtán yangà. Kàdvtutshú Esaya ínø, bødè (mø-í ni) bvløng svng Israel Dvci rìo shaqcvm lòng, Cvm vtv’ng lòng ku dvtan yangà. Íni gø, Israel Dvci rì svng Pàti mvlvn lòng nø mø-í, àngmaq wá dvshaqshì nònggùn vzàm lòng nø Gvray kèní dì lòng íe wā dvtan mvyø’ dang íe.

Abila Myoq kèní Shànshér me. Teresa ínø, àngde nø “bødè (mø-í) bvløng” nvng shvbóng shì yangì. Gvray gvsang mvrdvng yv’ngø Àng nø, ” Mvra vl gø’, kūnga shaq vnø’n gø’, Cvm vtv’ng gø’ ” nvng vbóng dang dvtan we í shø’n dang íe.

Nøngmaq shvngbe nø ” bvløng ” nvng vbóngè. Bvløng nø lvpat be nø shìvmnì vnvp we Paqcher ce lvpat lúnò pàdø Nøngmaq shvngbe ídø’mshì lòng dvnzøng we lvpat taq shì nø, Kristu vdòng taqø lvpat àngshvr taqkèní cúnshì laqlúnì.

Shànshér me. Teresa shø’n pàdø, Nøngmaq gø Kūngashaq cvmi we rvzvngcerì í sha rvt, Nøngmaq kaq nònggùn kūnga zíshú, vlømshì ra íwe Kristu Gvray taq Dø’ngvng dø cúnshì lúnlvm rvt shvdøm nø nònggùn è zí ì lòng, shedømì dang gø íe.
Shvngbe í Gvray mongzøl lòng vtoshì laqlúnì.