Bishop Paul Grong ò màná dømrø lóngdøng kvt vjúrøt kùng wáshì bøì we
2022 nøng taq kàngpè Yesu vdòng loá:mì we Bishop Paul Grong ò màná dømrø lóngdøng svng àngò cvmlvpat vl yv:ngì we shvrà Bvmo, Dingsing, Gauri Lungkat mvrìng yvngø kvt bøà nø Bvmo Bishop Raymond Sumlut Gam taqkèní 9.12.2025 ni taq vjúrøt shvnmvn we tvyø svng wàbøà we íe.
Yalòng Bishop Paul Grong ò màná dømrø lóngdøng svng Bvmo Sasvna vdòng vlwe shvngømré vsvngrì nvng shvrúngshú pè Columban Nhkang Naw Li taqkèní Bishop Paul ò màná dømrø mvshøl tiqlòng ku kvt shì bøì wanø shálún shìe.
News &Photo – ( Dingsing )
Credit- RVA Kachin ( Jing Hpaw Service)
