Missa kàgvp núng we rvtø shvrúng shú pèí Gvray mòngkà rø ò kvt noqngøm vsvng rì Shvngbe, vgō yvng gø,nøng gøp yvng gø nøt mvsøn yvng gø, Wùrgang mvsat wà shì we mvtú dang

Gvray dvbùshv̀ng mòngkà røò we rvtø̀ shìwà vsv̀ng shvngbe rip we nø Yesu Kristu chyv̀ng chyv̀ng ni nøngmaq shvnv:ngø kàshø̀n we íe walòng svng nøt mvsø̀n kèní àngsv̀ng vtonø̀ dvgùng shvngring we íe.


2. Gvray dvbùshv̀ng mòngkà svng rø lv́m rvtø̀ taq shìwà vsv̀ngrì vgo yv́ng, nv̀nggøp yv́ng, nvng gv̀ng rì mvdàm taq Yesu wurgáng mvsat gømla svng wáshì we íe.

(1) Àng mòngkà svng nøt vgo mv́rcìí dvdam
dvtøp nø̀ àng mòngkà svng vto shìwe,
(2) Àng mòngkà svng nv̀nggøp kèní vtà:nì nø
svkse wáshì lv́m,
(3) Àng mòngkà rì svng dòngnøt mvsø̀n
kadvgvp gø vshøp shàì nø cúnshì lv́m
mvsat gømla íe.

3. Gvray mòngkà taq vtàn ráà we shvla we tvrà (3) dang vle.
   (1) Vjúrøt shìwe (2) vm:aq vnvt shìwe (3) Alu vdv́n zishì we dang rì íe.
4. Gvray mòngkà svng té mvlú:ng vru ráà we mòngkà vrushú rì taq Dvzv́r Polo ínø 14 tut høqshaq vru yv̀:ng

5, Shv̀nshér kàru nø mònggv̀n taq nvm chyvt vtang nvng dvcì kàpv̀n rìí tvlíng nø vruò we taq luq vtang we kàru gø íe.

6 .Yesu Kristuò vsvk lvpat nø AD 1 kèní AD 33
høq íe.
7, Yesu Kristuí mònggv̀n døng nvng singwe
Catholic shvngø̀mré svng vrang ráà we nø
AD 33 taq íe.

8. Catholic shvngø̀mré nø kàgvp àngshv́r shì màruò we rvtø̀ yv́ng kèní v-v́l shaq íe. Kàgvp àngshv́r svng kø̀mzøp dø shi mà rvmø̄ò we rvtø̀ vzv̀ng kaq 67 nǿng naq høq chutchv́ng we tvrà svng shvngøt dvtú nø dvshvng ráà we ínø Catholic shvngø̀mré wawe nø Shv̀nshér kàru shvzvt ráà we shvngø̀mré Sasvna tiqlòng íwe svng yv́nglún shìe.
9. AD 397 nǿng taq Carthage wamà shvrúngshú rìò zùpùng taq shv̀nshér kàru 73 bok svng rvmø̄ lv́m nøt vrá yv̀:ngì.
10. Nv̀mlat Shv̀nshér kàru bok svng AD 417 nǿng Pope Innocent (1) taqkèní mvsat shvdøng ráà we íe.