St. Francis Xavier PLN dvrat cèrìò zùng (25) nønggøm Jubilee bóy kàgvp núng vjúrøt kùng wáshì bøì we
Vleá:mì we 1999 nøng kèní Svrado Paul Zing Htung Grawngò vbat taq vrang pvng ráà nø 20000 nøng kèní Myitkyina, Bvmo nvng Lashio Sasvna rì vdòng kèní rvcángcèrì dvrat cèrìò køqzøl rà zùng tiqlòng gø íwe St. Francis Xavier zùng nø yanøng taq 25 nø gøm bøì we íe.
Nvmlat rvtø taq St. Francis Xavier sister Jacinta Jangma Hka Ra nvng Bernard Zing Htung Pri ní kèní shølshú wáshì nø pvng ráà we dèni høqshaq dvrat cèrìò køqzøl rà paqzí cvnshì rà Boarder zùng tiqlòng bøn ráì we íe.
Nøngni nøng vrvm dvrat cèrì paqzí køqzøl shì vsvngrì go rø 100-150 dvhø vl nø paqzí shádvzit we shvrà tiqlòng gø íe.
Yanøng taq we dvrat cèrìò zùng nø 25 nøng gø Jubilee jejú svng vtoshì lúnò we svng Gvray kaq oqà wawe bóy, Kàgvp núng vjúrøt kùng svng December 8, 10:00AM rvtø taq Myitkyina Svrado gwørwang øpshú Svrado John Mung Ngawn La Sam taqkèní shølwe vdòngø mòngzøl dø lvmang tvyø rì svng wáshì lún bøì we svng shálún shìe.
We zùng svng dvrat cèrì kagø ínìgø køqzøl shìnø paqzí cvnshì shvla we dang we zùng svng vtoq vtip shì lvm nø St. Angeline Maran Nang Doi -09451441355 svng vtoshì nø ang dang dang taq vra shì shvla we svng gø vtàn bøà we íe.
