Lebanon móngdànò cìróng svng Pope Leo XIV taqkèní dinø vriq bøà we

Pope Leo XIV ò Lebanon móng dvbùshvng zaqlè tvrà nø 3 ni høqshaq naqdø vriq bøà we vdòng móngdànò vchvk we shvrà rì svng tùng dinø dvbùshvng mòngkà kèní nòngwòn ziwe tvrà rì mòngzøl dø wálún bøì we íe.

Pope Leo XIV taqkèní vriq bøà we Jal Ed Dib ရှိ the La Croix Hospital cìróng nø 1919 nøng taq Catholic shvrúngshú tiqgø íwe Jacques Haddadí vrang yvngà nø mònggvn taq bøngshvng we cìróng tiqlòng gø íe. We cìróng taq záyvng àngpvn pvn wa mvtaq vsvng nøt nvng sing we àngdang dang rì svng gø shvzømā we cìróng gø íe.

We shvrà taq Pope Leo XIVí nòngwòn ziwe mòngkà shøn vtànò só:rí shvnmvn dvgøng we gø wàbøà.

Àngí dvtú we mòngkà taq vsvngrì kaq záyvng dvzøm dvbangā we bvnlì tvrà taq dvsháza shóngnøt kèní dvzøm dvziā lvm nø vchvk vtang íwe nvng Yesu Kristu taqkèní gø wedø dvsháza shóngnøt, mvrà chutā we tvrà rì kèní dvzaqshì yvngì we bàngzì rì svng cvn dvgøm lvm døngjá vlwe svng dvkám bøà wegø íe.

Vránø we shvrà taq bvnlì riwe cì svrawon rì svramèrì shvngbe svng gø dvsháza shóngnøt kèní shvzøm dvzi we wáshì lòng nø Gvray àngò shóngwám shìwe tvrà íwe dang wedø wáshì longwekvt Gvray ìshøt jèjú rìgø vtoshì lúnlvm íwe dang dvtú bøà we íe.