Nemàn vní gǿ dvbā:nò we
Cip vcaq vsvng kagǿ gø vnvpshì mvdaq; nemàn gø, hí vzē gø, mv́r vyór nø mvshín vsvng gø; hí wūr giq vsvng gø; dø̀mkùng dvgoq gø, dvgv́ng vsvng gø, nē cip v̄l vsvng gø, dvzø̀ vyø̄ we nvng zøt vcaq we vsvng gø, angshí chv̀ng gvyaqshì we, yadø í vsvngrì nø vnvpshì mvdaq wanø kàgvp anglí taq angmaqí vtoòe. (Lewi 21:18-24) taq cip vcaq vsvng kagø’ gø nemàn wenø Sha góng nvng Pvlacè dang dvpvt nemàn we íe wanø vtoò we dang íe.
Deni mòngkà taq nemàn vní gø nø sha góng dang nemàn we ínìgø Pvlacè dang taq nø yv:ngò we svng yvnglún shìe. Angní lvngàí Kàngpè Yesu svng mvyv:ngò we ínìgø kv’mnønt vle. Angní lvngà taq kv’mnønt vle. Pvlacè neí Kàngpè Yesu svng yv:nge. “Dawi pvlí pvlaq pèé, dvshá èzashàé,” wae. Yesu nø chø̀m svng gòngá:mì mèpvng, nemàn pèní gø Ang yv́ng svng dì ráì kvt, Yesuí angní svng, “Yalòng Ngàí wá dá:ngòe, wa nø èkv́mshìe ma?” wa rø:tnòe. Angní lvngàí Ang svng, “Vkàngpèá, kv́mshìe,” wa vtá:nòe.
Wekvt angní lvngà nē svng A:ngí shu:pmò sórí, “Nàní lvngà èkv́mshì dø tiqdvchá nàní dvpvt leqíā daqshì,” a:lò nø dvbānòe. Nemàn gø’ní nø Pvlacène nvng kv’mnønt vneí Kàngpè Yesu svng yvngò, kv’mnønt vl rvt dvbān naò dø tiq dvchá nøngmaq shvngbe svng dvbānvtnalvm dvpvt nøntløm nøntshøm dvbū weí vjúrøt shàì. Shvngbe svng oqà.
