Shóngnø:tí vzøm vzvpnø mòngzølwe tvrà svng vrang dvzaqshì lvm wàì
November 24 ni taq wáshì bøìwe 215 boq waboq General Chapter lìpùng taq Servants of Mary mvdò nvng vhøm nø dvsháza shóngnøt gvlshì lvm dang dvkám bøà we íe.
We lìpùngmè taq køm ráì we vsvngrì kaq nàmaq nø kámnøt tvrà dvpvt Shóngnø:tí vzøm vzvpnø mòngzølwe tvrà svng vrang dvzaqshì lvm Gvrayí dvkám ráshà we vsvngrì ìénønge wanø dvtú bøà we íe.
Shvngømré vdòng taq St. Augustine í dvtú ráà wedø dvshá mvhoq vsvngrì ò rvyù rvyóngwe kà shaqrì svng táā lvm dvkám we íe.
Wedø dvshá mvhoq vsvngrì ò rvyù rvyóngwe kà shaqrì svng táā we tvrà nø Gvray àngò ìshøt jèjú àng mvtú svng tvnùngā wegø íe.
Mònggvn yachàng mvdàmø màbóngwe vsvng màngpòngrì dvcì dvgøngrì vdòng shóngnøt taq vzøm vzvp lvm tvrà svng mvdøng vrang dvzaqshì lvm døngjá vlwe íe.
Vránø Gvray yvng svvng Uesu àngmè Mari taqkèní dvtit tvle vjúrøt dvbangā lvm røt gø dvzaqshàì wanø dvtú bøà we
Yesu wirgáng mvdàmø ripwe Mari nø dvshá mvhoq vsvngrì ò rvyù rvyóngwe kà shaqrì svng táā nø Gvray yvng svng nøt shvløm lvm vjúrøt dvtit tvle vjúrøt dvbangā dvzaqshì shìwe gø íe wanø shvdøm mòngkà kèní dvtú bøà we íe.
Yesu wirgáng mvdàmø ripwe Mari nø dvshá mvhoq vsvngrì ò rvyù rvyóngwe kà shaqrì svng táā nø Gvray yvng svng nøt shvløm lvm vjúrøt dvtit tvle vjúrøt dvbangā dvzaqshì shìwe gø íe wanø shvdøm mòngkà kèní dvtú bøà we íe.
News- Vatican News
