Putao Jau Gwørwang me vdòng vl Mongkà Svra rìo Mongkà mv-ngu Vjúrøt lipong
(2025)nøng, Putao Jau Gwørwang me vdòng vl mvring v-rvm kèní Gvray bvnlì rī Mongkà Svra rìo Mongkà mv-ngu Vjúrøt lipong svng Putao Jau Gwørwang øp Shvrúngshú pè Fr. John Byin Tu Awng í shøl we vdòng mongzøl dø wálúnshì bø’ì. Yalòng Mongkà mv-ngu Vjúrøt lipong svng Putao St. Anthony Noqngøm Chøm tøngnu taq (25-26 Nov 2025)ni høq wáshì bø’ì nø, Mongkà Svra rì nvng Pongdó rì shvngbe (20) gø’ Kømngø’m nø (2)ni døp mongzøl dø wálúnshì bø’ì dang shálúnshìe.
Vrá nø, Lung Sha Yang Jau Gwørwang øp Fr. Marko Kyi Moe taqkèní gø Kømngø’m ráì we Svra, Pongdó rì kaq svng Mvra chut vjúrøt dvbvng tvlèā bvnlì svng gø dvnúngà bø’ì dang shálúnshìe. Wè Mongkà mv-ngu Vjúrøt lipong lvngdøm taq Chutchvng we Wurgang tvrà svng Dvdvm vjáng taqsórí Rosary Vjúrøt we nvng Vkangpè Yesu Kàgvp svng shvgùn shvring Noqngøm vjúrøt Shvmv’n jèjú ìshøt zì we tvyø svng gø Mongzøl dø wálúnshì bø’ì.
