Cipshìlv́m shvngøt we
Mt 18:1-5,10,12-14 (3,4)
Dèniò mòngkà taq muqlàng móngdàn taq téring gø kàshvbóng svng tálúnì we íe. Yesu Kristu taqkèní Kàngpè Gvray dang shvngøt dvtú we mòngkà rì taq pàwálv́m cv̀mré nvng vyv̀ngcè kàshvbóng kèní shvngøt dvtú we ímá?
Yesu àng vdè tiqgóng svng høqshaq Kàngpè Gvrayò vyv̀ngcè íwe dang dvtú ráà we svng yv́nglún shìwe íe. Cv̀mrérì svng yv̀ng lú:ngì dvgvp Cv̀mré wawe nø àngmaw sh[ngshì we, bǿn mvyǿ we, lún mvyǿ we dang rì taq àngpè, àngmè maq svng vlǿm shìe. Vrá nø àngpè ní àngmè taqkèní shvzat bǿò we cvmré nø àngpè ní àngmè nvng vzvrvm we rvtø̀ rì taq vlǿmrà vmvngvm nø nøt cvm we nøt yòl we tvrà rì vhǿ:mòe.
Wedøni vyv̀ngcè wawe gø àngkàng íwe vyv̀ng roqshú yv́ngø wa kǿrshì nø vlǿmshì we nøt gvzà vshøp we íe. Wervtnø̀ àngsvng shvtlv́m dvkángshì we rvtø̀ høqshaq vyv̀ngcè nø shoq màwá àngkàng kà ta we wáshìe. Àngkàngí shvlúm ráò we rvtø̀ rì taqgø àngkàng shvnvngø bāng mvnǿcè kǿrshì we íe.
Dèniò mòngkà taq cv̀mré rì nvng vyv̀ngcè rì dø nøt mvsø̀n shèrnø̀ mùngwe nøt laqyà rì kèní vlǿm shì, noqngø̀m lv́m mòngkà kèní shvdǿm we íe.
