Nigeria nvng Cameroon móngdàn ní vdòng taq tvp vhøm bøà vsvngrì kaq cvn cvn shvlutā lvm dvtú bøà we
Pope Leo XIV taqkèní Nigeria nvng Cameroon móngdàn ní taq tvp vhøm bøà we zùngmàcè rì nvng shvrúshú rì kaq svng cvn cvn shvlutā lvm dvtú bøà we íe.
Vleá:mì we lvbán 5 ni taq Nigeria móngdàn Nija mónwvl vdòng St Mary paqzí zùng taqø Zùng shvngøtshú svra rì nvng zùngmà shvngbe 315 gø svng ngànshà tiq mvdò taqkèní tvp bøà we íe.Vrá nø Cameroon móngdàn Ndop, Bamenda taqø gø shvrúngshú 6 gø nvng mòngkà svra tiqgø svng gø tvp bøà we svng shálún shìe.
Wedang nvng singnø Pope Leo XIV taqkèní móng øp gvmzørì nvng dvtá uqbvdi tvrà rì taq ripwe vsvngrì kaq cvn cvn gùn dvtøp we nvng tvp vhøm bøà vsvngrì kaq shvlutā lvm tvrà taq cvn cvn wá lún lvm dvtú bøà we íe.
Svrabín koqkvm pè Leo XIV taqkèní dvkám bøà we taq yadø kámnøt tvrà taqø ripwe vsvngrì cvmré rì zùngmà rì kaq vré shì we ngànshà bvnlì nø gvzà ni màdu we Gvray mvshóng wám shìwe bvnlì íwe rvt mèpvng kaq yadø íwe bvnlì rì mònggvn taq laq shèrvm, yalòng shìwvt tvrà dvpvt gvzàni nøt bùm lvm íá:mì wanø dvkám mòngkà dvtú bøà we íe.
News- Vatican News
