Catholic Svmaré rì vgō wvm shì we mvtú dang
Catholic shvngøm ré rì, Noqngøm we rvtø ,Missa kàgvp nú:ng we rvtø svmaré rì vgowam shì we nø shér we nvng cip shì we ang lvjøm íe .
St. Paul ígø Noqngøm we rvtø taq svmā ré rì pāzet í vgō wvm shì lvm dvkám yvnga.
(1 cor 11:4-16) Júrøt dvgvp, møíni kàdvtutkà shøn dvgvp,ang vgō wvm shì we lvngà ré kagø ínigø àng vgosvng màpøshì we íe. Vrá svmaré kagø ínì gø vjúrøt dvgvp ,møíni kà dvtutkà shøn dvgvp ang vgō mvwvmshì nì nø, ang vgō svng màpøshì we íe .
Kadø íe wani wegǿ nø gōsuq dvchipshì wēó vbónge. Pàwálv́m wāni svmaré vgo mvwvmshì kvt kèní nø ang vni gø laq tutshi. Iwe vni tutshi we, mø̀íni gōsuq dvchipshì we nø svmaré dvpvt shvraq màchaq í kvt kèní nø, ang vgo laq wv̄mshì. Lvngàré nø Gvray mv̀rshv̀m mvdø̀ng nvng ngø̀rdvgùng í rvtnø, jø̀ngjǿng vgo wv̄mshì màdu. Inìgø svmaré nø lvngàré dvgùng íe. Kadø íe wani lvngàré nø svmaré yv́ng kèní būng we mø̀í, svmaré lè nø lvngàré yv́ng kèní būng we íe. Vrá lvngàré nø svmaré dvpvt mv́n yà:ngà we nø mø̀í; svmaré mv̀ng lvngàré dvpvt mv́n yà:ngà. Yadø í rvt, muqlàng dvzv́rrì svng gø̄ vpǿò taqsórí svmaré nø, vgo wv̄mshì ràe.
Inìgø Vkàngpè vdòng taq nø, svmaré nø lvngàré màbáshaq v́l mvlúnshi; vrá lvngàré gø svmaré màbáshaq v́l mvlúnshì. Kadø íe wani mvpv̀ng angké taq svmaré nø lvngàré taqkèní mv́n yàngà dø tiqdvchá, lvngàré gø welòng dø̄ni svmaré yv́ng kèní v̀l daqì we íe. Inìgø v̄l dv́ngte shvngbe nø Gvrayí mv́n yà:ngà we íe. Namaq vdèdèí èdaknøng nà! Svmāré nø vgo màwv́mshìshaq Gvray kaq júrøt nìnø yv́ng vnvpme má? Lvngàré vgo vni yvng nìnø ang dvpvt shvraqshilv́m tiq pv̀n í we mèshánø̀ng ma? Inìgø svmaré vni yv̄ng kèní mv̀ng nø, ang dvpvt dvgùng tiq pv̀n íāòe. Pàwálv́m wani ang vni nø vgo wv̄mshìlv́m zí yà:ngà we íe. Wedø ínìgø vsvng tiq gǿgǿ yadang rvt vzǿng lā mvyǿ nìnø, nøngmaq íshà nìgø, Gvray shvngø̀mré rì ínìgø, yādāng dvpvt cv̀nlv́m vtóng shø̀ngshāng nø màvl.
Shvnshér we Missa kàgvp nú:ng kvm mvdàmø vl we kà g p mok svnggø cømpàn mú: ng í moq ò nøwagvl lo we íe.Mûoshi nø
pvn má:n Gvray nvng kàshøn lvm yáng høq daq ākvt cømbàn móng íang mvr dvkøq shi e
wá nø Búngàm (34:35) taq gøvru yvnga.
Lvngà svré rìnø Vkang pé àng tvlerì írvt nø lvgà svré rì taq kèní wa shvrúng shú wá shì daq we íe.Svmaré rì nø svmi shvrmè íwe shvngøré mè tvle íe. Noqngøm we rvtø svmaré rì pàzet í vgō moq shì we nø ,Pvlàce dāng Gvray kaq ap nú:ng shì we gø íe.
