Yesuí kùyà zíò we
Mt 17:22-27
Dèni pvlàcè dvpvt nònggwòn lushì lv́m mòngkà taq Yesuí noqngø̀m tø̀ngnø dvpvt rvkul gv̀msùng kùyv̀ zíò we mòngkà ciqsvng dvdam shàì nø nònggwòn lushì lv́m wàì.
Nàmaqò nøt mvsø̀n rì shv̀shér we ínìgø Gvray kaq svng kadø gø shvbóng shvmat shìlv́m mǿí wanø Shvnshér mè Clere í vtàn yv̀:ngà.
Vsvng tiqgǿò pvlàcè wawe nø chyàmna dø ínø̀ vdèò cúnshì we lvpat tvrà rvtø̀ rì taq shv̀nshér dø evl we kvt vdèò pvlàcè gø wedøni shvnshér vmwe svng dèniò mòngkà kèní nøng maq svng shèdǿ:mì we íe.
Nøngmaq svng Gvray àng mv̀rshv̀m nvng vbóng dø pv́nmv́n ráshàwe vsv̀ngrì taqkèní gø Gvray àngmv́r íwe lòngzàpè Gvray nvng chapdvp vtoq vtip lúnlv́m dvpvt ragaq mvdàm svng nøngmaq dvpvt dèzv́rā ráshàwe gø íe.
Wervtnø̀ nøngmaq shvngbe nø Gvray àng nvng si:ngì we àngò àngcǿ, àngcè rì íshàwe rvt àng kaq svng noqngø̀m nø dvgùng zílúnlv́m nøngmaq tiqgǿ vrv̀m taq døngjá v́l shaq íshàe.
