Dòng nøtmvsøn shvlā we vnípè tvrà dang

Deni tá lúniwe mòngkà taq dòng nøtmvsøn shvlā we vnípè tvrà dang tá lún bøshà.
Nvmlat tiq gø nø( Eliza )ínø Gvray nvng àngò kvm we dàng mà shvmángò nø angò shvlā we vjáng laq yà rì lvng døm høqShaq ngvng døng we yvng lú shìe.

Vní gø wá gø nø Kristù nvng vhøm bøì yvng kè ní angò Pvlācē dang vháng lún ya:ng ìwe Zakiu íyvngì.ang màdvrá dø, Roma rì svng kùyà gúnò yvng kè ní mvme nøng dvkúm shì yàngì. Íwe lvng døm taq dvdām shá lún yvngà. Àng nøt taq Kàng Yesu svng gvzà yvng mvyø we nøt dvn vl rvt nvmgwè tøng svng rvlvng we í Kang Ye su svng yvng lún lvm rvt dvzaq shì yvngì.

Yesu í chut chvng jejú nø dèni ya chøm taq tuq daq ì nà chøm taq Ngà nār shì lvm íe wà nø, ZaKiu svng vl ya:ngà. ZaKiu í gø Kang Yesu svng vtō ya:nga. Krístu í ZaKiu svng Kù yà gúnò lvpvt kaní døng man we dang svng líng shì dvzvro nø shóng nøt tvrà dang dí shá lvm rvt mvdóngà ya:ngà.
Gø vrvm nø té shvlā we lvpvt svng pōshì lúnlvm vløm shà íe. ZaKiu nø Kàng Yesu í go bøà mepvng lvpvt shá shøng tøng í we Kang Yesu svng lá lún ya:ngà. ZaKiu ídvng wá lvpvt shvr svng vlíng vpō lún lvm rvt Krístu kaqsvng røt shì laq lúnì.