Sudan móngdàn vdòng mvrø nø shvnip shvnvr we bvnlì wa vsvng bung ráì wervt móng vsvngrì mvme yilshì bøì we
Sudan móngdàn taq móngdàn cìldvp nvng (RSF) mvdò rì dvhø Kordofan rvgaq taq mvjàn bung ráì we rvt vsvng gorø (1400000) rvzé gø mvjàn yilshì vdu bøì nø 120000 gø mvdàm shìbøì nø shìwvt vkøn bøì wegø íe.
Sudan móngdàn cildvp nvng Rapid Support Forces (RSF) mvdò rì dvhø taq mvjàn rvzaq bøn ráì wervt móng vsvng yadø shìwvt rì vtøp ké bøà wegø íe.
2023 nøng kèní móng gvmzøpè Omar al-Bashir svng bvnlì kèní nvr bøà mèpvng RSF mvdò nvng yadø vtøp lvm tvrà bung ráì nø yanøngrì dvhø móng vsvngrì lvpat gvzà zíshì vdu bøì we svng shálún shìe.
International Organisation for Migration dvsháza tubúm mvdò taqkèní gø wedø móng vsvngrì shìwvt vtøp kébøà we nvng singnø gùn dvtøp we bvnlì rì pvnyvn wá dvzaqshì we íe.
Pope Leo XIV taqkèní gø wedø shìwvt nvng sing nø cvn cvn dvcøp shvnvp lvm dvng shølshú shaqré rì nvng móngdàn vdòng vlwe dvsháza mvdò rì kaq svng dvkám bøà wegø íe.
News- Vatican News
VaticanNews#PopeLeoXIV
