Dvsháza bv̀nlì rvt màdvshv́ngshìlv́m

Mati 6 :1-6, 16-18

Dèniò Gvray dvbùshv̀ng mòngkà taq Dvsháza bv̀nlì rvt màdvshv́ngshìlv́m dang tálún lv́m ílonge. Nøngmaq vjúrøt shàì we tvrà, vmpà màv́m vnatshì dang rì svng màdvshv́ngshìlv́m dvkám we íe. St. John of the cross í vtàn ráà we taq dvsháza bv̀nlì rì wawe taq vsvngrìí lasháò dø washì we àngkyíng àngyá boq ínìgø vsvngrìí mvsháò dø tiqboqcè èwàbǿò we svng Gvray àngí vtoā nø̀ nàsvng ìshøt jejú èshó:ā longe wanø̀ vtàn ráà we íe.

Wedøni nøngmaq vdè dèò lvpat tvrà taq kadø íwe dvsháza bv̀nlìrì wálún, dánglúnì we ínìgø màdvshv́ngshìlv́m, màdvshv́ngshìdø wáshì lúnwe svng Gvray àng shóngwám shìwe svng dèniò mòngkà kèní nøng maq svng shèdǿ:mìwe gø íe.