Pope Leo XIV nø Pope Francis ò dvgvm svng vjúrøtā nvng dino vriq bøà
Svrabín koqkvm Leo XIV taqkèní St. Mary Basilica svng dinø weyvngø køm yv:ngà we Pope Francis ò dvgvm yvng svng dinø vjúrøtā we tvyø svng wàbøà we íe.
Pope Francis àng lvpat cúnshì we rvtø taq we St. Mary Basilica noqngøm tøngnø taqø àngboq boq vriqò nø vjúrøt Missa kàgvp núng we tvyø rì wáshì yv:ngì we noqngøm tøngnø tiqlòng gø íe. St. Mary Basilica noqngøm tøngnø nø Rome vsvngrì kaq shiqshvn tvrà dvpvt mvsùng roqgvrā we (Salus Populi Romani) kaq svng vpø shvring we ku vrangshì yv:ngì we noqngøm tøngnø tiqlòng gø íe.
We vjúrøt tvyø lvmvng taq Pope Leo XIV taqkèní Pope Francis nø àng lvpat shi mvbe we rvtø taq Kàngpè Yesuò nøng AD 2025 wawe Jubilee nøng svng vtonø vjúrøt poqpvngā ráshà we mvtaq 2025 nøngò Paska zunbóy taqgø mònggvn døng dvpvt vjúrøt dvbvngāìwe bvnlì svng èwábøshà we rvt vtang kèní oqà walvm vlwe dang svng gø vtàn bøà we íe.
Pope Leo XIV nø Pope Francis lvpat béá:mì mèpvng 2025 nøng mvngør shvlá taq Svrabín koqkvm rúngtàng svng tvle shìnø rúng bøì we Svrabín koqkvmpè gø íe.
