Pope Leo XIV taqkèní tiqni vdòng móng gv̀mzø̀ (President) 2 gǿ nvng vhømnø dvmv̀n bǿì we
October 30 ni Fiji móngdànò móng Gv̀mzø̀pè RAtu Naiqama Tawakecolati Lalabalavu nvng Vatican móngdàn Svrabín koqkv́m róng taq vhøm bǿì. Wemepvng Fiji móngdànò móng gv̀mzø̀pè nø krønmvn gvsarìò vtóng vlwe dø Svrabín koqkv́mpè nvng vhøm bǿì mèpvng Vatican ò bv̀nlì àngkàngpè Pietro Parolini, Vaticanò vtoq vtipshú shaqré Mgsr. Daniel Pacho maq nvng gø vhømnø̀ dvmv̀n bǿì we íe.
We vhømnø̀ dvmv̀n we tvrà nø Fiji móngdàn taq vlwe Catholic shvngø̀mrérì dang nvng sing nø̀ mòngzø̀l dø vlwe dang nvng shvngø̀mréò dang vrv̀m taq móngdàn dvpvt nònggwòn tiqlòng ku vlwe dang, móngdàn dvpvt wulaq tvrà, móng lvmang rì, móngdàn rvgaqrì dang, svngpv̀n vtoq vtipwe tvrà rì nvng móngdàn dvpvt vtù gvsat we ngànshàrì svng kadø vgám dvzaqshì vdu we tvrà rì nvng singnø̀ dvmv̀n bǿì we svng Vatican shvngkà dvp kèní dvtú bǿà we íe.
Fiji móngdàn nø Pacific nvmuk dvra tìni lvp vlwe móngdàn tiqmóngdàn gø íe. Fiji móngdàn nø vnvpwe svngpv̀n vtóng laqyà rì nvng bø̀ngshv̀ng we tiqmóng dàn gø íe.
We mèpvng Svrabín koqkv́mpè nø Gabon móngdànò móng gv̀mzø̀pè Brice Clotaire Oligui Nguema nvng gø vhøm bǿì we íe. Gabon móngdàn nvng Vatican 2 móngdàn dvhø̀ vzø̀m vzvpwe tvrà, vtoq vtip tvrà rì dang nvng singnø̀ gø Catholic shvngø̀mré nvng vzø̀m nø̀ paqzí dang, shiqshv̀n tvrà, móngdànò shòlaqré rì dvpvt paqzí paqrvt rì dang dvzøm dvbangā lv́m tvrà dang vhømnø̀ vrashì bǿì wegø íe.
Gabon m[ngdàn nø Africa dan rvwè, Atlanta nvmuk dvra shvnvngø vl we móngdàn tiqmóng dàn gø íe.
