Pope Leo XIV nø àngò‘The Friends of the Holy Father’ mvdò nvng vhøm nø vtoq vtip we

‘The Friends of the Holy Father’ mvdò nø 1979 taq poqpvng shìyv:ngì nø àng mvtú nø Svrabín koqkvm pèò dvbùshvng bvnlì tvrà rì taq dvzøm lvm dvpvt íe.

We mvdò svng Pope St. Poul II vbat taq Svrabín koqkvm pèò ràwe bvnlì àngdang dang taq chvpdvp dvzøm dvzi lvm wawe mvtú kèní pvngshì ráì wegø íe.

We mvdò svng 1941 nøng høq roqgvr shì ráì we shvngømréò vtóng, zaqshøp rì svng roqgvr we bvnlì svng zvn dvtut døngjá lushì nø dvzøm shì ráì we mvdò gø íe.

We mvdò ò mvdøng bvnlì døngjá nø dvzvr Peterò dvbùshvng bvnlì døngjá rì svng raqpúm tvle shìnø dvzøm shìwe bvnlì taq ripwe mvdò gø íe. We mvdò nvng Pope Leo XIV nø vle á:mì we nár 3 ni taq vhøm nø shvngømré mèò bvnlì mvtú rì dang kèní vhøm nø mvngushì bøì we svng shálún shìe.

News- Vatican News