Shvngømré vdòng taq kadø íwe mvrø we, shvnip shvnvr we bvnlì rì svng vto lvm mv-vl long wanø Svrabín koqkvm pèí dvkám we

Pope Leo XIV taqkèní Philippine móngdànò mvgam màshvla we tvrarì vgám lvm wawe lìpùng mè kaq shvri kàru kèní dvtú bøà we íe.

Svrabín koqkvmpè Leoò shvngømré vdòng taq kadø íwe mvrø we tvrà, shvnip shvnvr we tvrà rì svng vto lvm mv-vl vgám lvm íe wawe dvtú mòngkà svng October 20, 2025 ni Philippine móngdànò shvngømré zvpùng taq Vatican gvsapè, Svrado gvbà Charles J. Brown svng dvtú nø shvri mòngkà vrìng bøà wegø íe.

Shvngømré wawe nø rvcángcèrì ò pvlàcè dang mvngushì we køqzølrà chøm íwe rvt kadøgø mvrø we tvrà, shvnip shvnvr we bvnlì tvrà rì wà lvm mv-vl long wanø Svrabín koqkvm pèí dvkám ráà we íe.

Shvngømré taqkèní gø wedøbíwe bvnlì wá vlé lú:ngò we vsvngrì kaq zaq zaq dvrá lù nø vgám lvm síwe dang svng gø dvtut dvkám bøà we íe.

News- Vatican News