Shǿngshí tø̀ng vní pv̀n
Mt 7:15-20
Deni tálúnì we Gvray dvbùshvng mòngkà taq mvdø̀ng mvman we kàdvtutshúri svng Yesuí kàshvnbóng kèní vtà:nò we dang tálúnì we íe. Yesuí nø vyv̀ng pòr gwashì nø catlv́m dvkángshì we vyit yisvng vyáshì lv́m dvkv́m we íe.
Mvdàmrvm kèní èyv̀:ngvtnò dvgvp jàng laqyà shvlá, nøt mvsø̀n shvladø vsv̀ngrìí lalv́nvtnò dø wáshì vsvngrì kaq vyáshì lv́m dvzv́rrì kaq shvdǿm ráà we íe. Vránø bìmshí nø bv̀nghǿ póng taqkèní, bv̀nghǿ shǿng taqkèní gø nv̀mgwèshí røpmv́m mvlúnshì wedø shvla we shǿng kèní shvla we shǿngshí zí wedø màshvla we shǿngkèní nø màshvla we shǿngshí ni zí longwe svng gø shvdǿm we íe.
Nøngmaqò lvpat tvrà taqgø mvdøng mvman we kàdvtutshúrì, Prophet, parishi ridø íwe vsvngrì kaq vyá shìlv́m, vdè ò kámnøt tvrà nø vléshì we tvrà svng màyuq lv́m dèniò mòngkà taqkèní shvdǿmā we íe. Mòngkà tashàì we vnvm vchvngrì shvngbe gø shǿng shvlá kèní shílòngwe shǿngshí shvlá rì bǿn lúnlv́m Gvray àng jejú vdòng taq dvzaq dvkáng shìlv́m wàì.
